Allen^a) den, die disen brief an sehent oder ho^erent lesen, kúnde ich Haintz von sancti Johann¹ der elter vnd vergich offenlich mit disem || brief, daz ich ze ko^vffende han gen reht vnd redlich aineß rehten vnd redlichen stêtten ewigen ko^vffes fúr mich vnd alle min || erben vnd nachomen vnd och zů den zitten, do ich ez wol getůn moht, den erwirdigen gaistlichen herren abt Walthern vnd dem || convent gemeinlich des gotzhus vnd der stifte ze santi Johann im Turtal² in Costentzer bistum sant Benedicten ordens dise hie nach geschribnen gu^eter mit aller ir zů geho^erden mit holtz vnd velt mit wunne vnd weid mit wasser vnd wasserrúsß vnd allen den rehten vnd nútzen, so dar zů geho^ert von reht vnd gewonhait vngeuerlich vnd die och gelegen sint in santi Johanner tal³, des ersten die Steinen wise⁴, die gelegen ist vnder dem Esche⁵ vnder der strasse, die man nempt der Zagel, so denne den acker, der gelegen ist wsser^b) dem bach zwischen der strasse vntz an die grůbe, vnd die och min lehen sint von dem vorgenanten gotzhus, disú^c) vorgenanten gu^eter^d) mit aller ir zů geho^erden, alz vorgeschriben stat vnd alz ich sú biz her gehebt han, hab ich inen gegeben vnd allen iren nachomen eweclich ze habende vnd ze niessende vmb a^vht vnd zweinzig pfunt Costentzer gůter vnd genemer pfenning vnd bin och ich der gar vnd gantzlich von inen gewert vnd hab sú in minen gůten nutz vnd frumen bekeret vnd bewendet, des ich offenlich vergich. Ich vnd alle min erben vnd nachomen so^end och sú vnd alle ire nachomen der vorgenanten gu^eter reht weren sin hinnanthain iemer me gegen aller mengelich vnd an allen den stêtten, wa vnd wenne sú sin bedúrfen ald notdúrftig sint, alz reht vnd gewonlich ist, vnd enzich mich och her vmb fúr mich vnd alle min erben vnd nachomen alles rehten vnd gerihtes geistliches vnd weltliches aller ansprach aller friihait alles rehten vnd gewaltes vnd aller lehenschaft vnd sunderlich alles des, da mit wir hie widder iemer út getůn mo^ehten inen her an ze schaden in dehaine wise mit geuerde noch âne geuerde nv^ oder hie nach. Vnd her v´ber ze einem waren vnd sta^eten vesten vrkúnde aller diser vorgeschribnen ding vnd da wider niemer ze tůn noch schaffen getan werden mit worten noch mit werken mit ra^eten noch geta^etten haimlich noch offenlich mit dehainen geuerden, so han ich da vorgenanter Haintz von santi Johann fúr mich vnd alle min erben, die ich vestenclich her zů bind, min aigen ingesigel gehenkt an disen brief. Der geben ist ze santi Johann im Turtal am nehsten gůtem tag nach sant Michels tag ze herbst des jares, do man zalt von Cristus gebúrt drúzehen hundert jar, dar nach in dem súben vnd ahzigosten jar.

Source Fulltext: Chartularium Sangallense X, Nr. 6211, S. 418-419.