Allen^a) den, die disen brief an sehent lesent oder^b) horent lesen, kúnd ich Růdolf Venr vogd || ze Fro^edenberg¹ vnd Werdenberg² von gnaden miner herren graf Hugen vnd graf Hain||rich von Werdenberg³ vnd von gnaden mins herren abt Hainrich von sant Johann⁴, dz ich offen||lich ze gericht sas ze Braitenow⁵ in sant Johanner tal⁶ vnd da fúr mich kam der erwirdig herre abt Hainrich von sant Johann mit sinem fúrsprechen Hainin Vitler von Werdenberg vnd ofnet mit sinem fúrsprechen vor gericht, daz Cůnrat vnd Hans Holenstain von dem Wasser⁷ als verre wider in vnd sin gotzhus getan hettint, ob sú út byllich liessint gerůwet ligen alles daz gůt, daz sú von im ze lehen hettint, wa daz gelegen wa^er vnd waz ouch von der stund dar uf wa^er. Do vo^erschet ich der e genempt Růdolf Venr vogd ze Fro^edenberg vnd ze Werdenberg vf den ayd ainer gemainen vrtail den fromen wolbeschaiden knecht Hainrichen den Vitler, waz in recht dukti uf den ayd. Do ertailt er uf sinen ayd, daz daz selb gůt vnd lehen vnd waz dar uf wa^er uf den selben tag, als dirre brief sait, gerůwet vnd vnbekúmbert vnd vngeezt vnd vngebuwen wa^er, vntz daz er des selben e genempten abt Hainrich gnad vnd huldi erwrbi, vnd ouch Cu^eni Smid von Sidwald⁸, Claus vom Stadel⁹, V^elin Eschman, Búrgi Schútz, Berschi Tinman vnd dar nach alle lant lút, die do ze mal ze gegni warent. Do bat der e genempt Hainrich Vitler von mins herren wegen von sant Johann, ob man út billich brief dar v´ber ga^eb, als recht vnd vrtail geben hett. Do fo^erschet ich der e genempt Růdolf der vogd den vor genempten Hainrichen Vitler vnd die andren e genempten lantlút uf den ayd, ob ich út billich dem vor genempten apt Hainrichen brief dar úber geben so^elti, ob er sin můtiti. Do ertailtent sú uf den ayd, dz man im billich brief dar úber ga^eb. Vnd des ze ainer waren sta^eten sicher^c) aller dirre vor geschribnen ding so henk ich der vorgenempt Růdolf der vogd min aygen insigel an disen brief, der geben wart, do man zalt von Cristus tusung iar, drúhundert iar vnd dar^c) in dem acht vnd sibenzigosten iar.

Source Fulltext: Chartularium Sangallense IX, Nr. 5685, S. 350-351.