Ich Cv^onrat von Friberg¹ kúnd vnd vergich des offenlich mit disem brief allen, die in || ansehent oder ho^erent lesen, das mich min gna^ediger herr abt Geory des gotzhus || ze sant Gallen² gar beriht vnd gewert hât der hundert gůter guldin, so er mir || von des ross wegen, das ich im darvmb ze koffent gab, schuldig was, vnd darvmb so sag ich in vnd das selb sin gotzhus vnd alle sin vnd dez gotzhus nachkomen fúr mich vnd alle min erben der obgenanten hundert guldin vnd och des schadens, ob dekainer daruff gegangen wa^er vff disen hútigen tag, als dirre brief geben ist, ledig los vnd quitt vnd quitier si mit vrkúnde dis briefs, der versigolt geben ist mit minem anhangendem insigel, do man von Cristes gebúrt zalt drúzehenhvndert jar, darnach in dem a^eht vnd sibentzigosten jar, an dem na^ehsten mentag vor inga^endem aberellen.

Source Fulltext: Chartularium Sangallense IX, Nr. 5639, S. 317.