In^a) nomine domini amen. Omnibus Christi fidelibus presentes litteras inspecturis Ru^edgerus de Hegi permissione divina prepositus totumque capitulum monasterii in Ittingen ordinis || sancti Augustini canonicorum regularium per prepositum soliti gubernari Constan(tiensis) dyocesis subscripte rei noticiam cum salute. Ut contractus bone fidei pro monasteriorum || utilitatibus etiam evidentibus consensu mutuo atque rite debite et rationabiliter celebrati sub stabilitate perpetua et incommutabili teneantur et perseverent, expedit || propter brevitatem temporis hominum ipsorumque memorie labilitatem ipsos litteris et scripturis roborari et sie hominum memorie conmendari. Noverint igitur presentium inspectores universi et singuli, quos presens tangit negocium seu tangere poterit nunc vel in futurum, quod nos prehabito tractatu diligenti et sollempni et non semel sed etiam sepius et cum consilio etiam sapientum deliberavimus et consideravimus, quomodo possessiones site in Wengi nominate et dicte dez Brantzen gůt, decime^b) in Haitterschan, decime in Wengi et decime dicte in dem Wile cum ipsarum possessionum et decimarum iuribus et pertinentiis universis nobis et dicto nostro monasterio iure dominii vel quasi pertinentes nobis forent minus proficue et inutiles et quomodo pretium, quod ex venditione ipsarum possessionis et decimarum consequi speramus et habere possemus bona et predia nobis et successoribus nostris et dicto nostro monasterio melius sita magis utilia et proficua nunc et inantea emere et comparare possumus. Idcirco ex hiis et aliis causis nos quo ad hec moventibus sanoque super hoc sapientum et amicorum nostrorum et dicti monasterii nostri tractatu et consilio non semel sed etiam sepius et sollempniter prehabitis et premissis attendentes etiam minus malum nos eligere debere, ut maius evitemus, possessionem et decimas predietas cum iuribus et pertinentiis universis earundem venditioni exposuimus, ut plus offerenti in pretio venderemus, et quia conperimus venerabilem in Christo dominum Hainr. abbatem et conventum monasterii saneti Johannis im Turtal ordinis sancti Benedicti dicte Constan(tiensis) dyocesis suo et dicti ipsorum monasterii nomine in pretio plus aliis obtulisse, igitur nos attendentes et consideratis premissis et adhibitis sollempnitatibus debitis et consuetis in hiis adhibendis possessionem in Wengi prescriptam dictam dez Brantzen gůt, decimas videlicet in Haitterschan, in Wengi et decimam dictam in dem Wile cum agris pratis silvis nemoribus virgultis pascuis aquis rivis aqueductibus viis biviis iuribus et pertinentiis possessionis et decimarum predictarum universis, prout ad nos et ad dictum nostrum monasterium in Ittingen modo quovis pertinuerunt et devolute sunt et prout ipsas tenuimus et possedimus usque in hunc diem presentem, qua data presentium conscribitur, iusta et recta venditione et iusto venditionis tytulo vendidimus et vendendo tradidimus vendimus et tradimus per presentes venerabili in Christo domino Hainr. abbati et conventui dicti monasterii sancti Johannis im Turtal prefatis et dicto ipsorum monasterio pro centum quinquaginta et sex libris denariorum Constan(tiensium), quos et quas fatemur etiam presentium per tenorem nos ab eisdem abbate et conventu dicti monasterii im Turtal recepisse et in numerata peceunia habere et eosdem ac easdem ab ipsis integre et cum effectu reportasse et in usus nostros et dicti nostri monasterii utiles et necessarios ac evidentes convertisse et conversos fore. Resignavimus quoque et presentibus resignamus sponte et libere et ex certa nostra scientia omne ins omnemque actionem requisitionem et impetitionem nobis et dicto nostro monasterio in Ittingen in possessione et decimis prescriptis iuribus et pertinentiarum earundem conpetentes seu quovis modo conpetere valentes usque in hunc diem pro nobis et successoribus nostris universis et transferimus pure et simpliciter ac integraliter et in totum libera et spontanea voluntate dolo et fraude penitus semotis nostro et successorum nostrorum nomine per resignationem debitam et sollempnem in manus et potestatem abbatis et conventus monasterii sancti Johannis im Turtal predictorum etiam dicti ipsorum monasterii nomine, dantes et concedentes prefatis abbati et conventui monasterii predicti ipsorumque successoribus universis pro tempore existentibus et dicto ipsorum monasterio ex nunc inantea possessionis et decimarum predictarum iurium et pertinentiarum earundem plenam aministrationem ac utile et directe dominium effectualiter traditarum possessionem liberam et vacuam subintrandi apprehendendi nanciscendi usum capiendi plenariam potestatem et auctoritatem, promisimus quoque et presentibus promittimus predictas venditionem et traditionem inviolabiliter ratas et gratas habere et tenere perpetuo atque firmas sub ypotheca et obligatione omnium rerum nostrarum et dicti nostri monasterii in Ittingen pro nobis et successoribus nostris universis et contra ipsam venditionem ut premittitur rite et legitime factam numquam facere vel venire per nos alium seu alios vel interpositas personas necque contravenire volenti aliqualiter consentire directe vel indirecte in iudicio vel extra iudicium imposterum vel adpresens de facto vel de iure quovis quesito ingenio vel colore, cavimus quoque et presentibus cavemus dictis emptoribus et dicto ipsorum monasterio de evictione rei vendite et promisimus dictis emptoribus et eorum successoribus et dicto ipsorum monasterio, si occasione rei vendite quovis modo a quocumque seu quibuscumque turbarentur seu inquietarentur, fideliter et efficaciter assistere sub propriis nostris et dicti nostri monasterii dampnis periculis sumptibus et expensis et prestare de ipsa re vendita dictis emptoribus et eorum successoribus et dicto ipsorum monasterio debitam et legitimam warandiam secundum consuetudinem terre communem et generalem de immunitate perseverantia atque firmitate emptionis et venditionis predictarum, et renunciavimus et presentibus renunciamus pro nobis et successoribus nostris singulis et universis in et super premissis exceptioni doli mali in factum actioni debite sollempnitatis non adhibite deceptionis ultra dimidium iusti pretii, donantes eis ex certa scientia irrevocabiliter inter vivos, quidquam dicta possessio et decime predicte cum ipsarum iuribus et pertinentiis nunc valeant plus pretio centum quinquaginta et sex librarum denariorum Constan(tiensium) vel infuturum valebunt, et exceptionis cuiuslibet peccunie non numerate non tradite non solute litteris gratiis ac privilegiis habitis seu obtentis vel imposterum obtinendis per nos vel alios a sede apostolica vel aliunde, necnon iuribus consuetudinibus et constitutionibus universis civitatum oppidorum villarum castrorum et locorum quorumcumque editis et edendis omnique iuri auxilio canonum atque legum, quibus mediantibus nos seu nostri successores facere vel venire possemus vel possent contra ea, que in presentibus litteris continentur, in toto vel in aliqua sui parte, adhibitis in premissis omnibus et singulis et circa ea verborum et gestuum sollempnitatibus et renuntiationibus debitis et consuetis necnon exceptioni qua dicitur, quod generalis exceptionum renuntiatio inefficax existat, nisi precesserit specialis, suplicantes etiam reverendo in Christo patri ac domino domino Hainr. dei gratia episcopo Constan(tiensi)¹, ut prescripte venditioni omnibusque premissis consensum suum benivolum adhibere eaque sua auctoritate ordinaria approbare confirmare et auctorizare dignetur. Et in premissorum omnium et singulorum testimonium et roboris firmitatem nos Ru^edgerus prepositus sigillum nostrum totumque capitulum dicti monasterii in Ittingen sigillum capituli eiusdem monasterii in Ittingen presentibus duximus appendenda. Datum et actum in dicto nostro monasterio in Ittingen, anno domini millesimo trecentesimo septuagesimo sexto, die lune post festum beati Jacobi apostoli, indictione quartadecima.

Source Fulltext: Chartularium Sangallense IX, Nr. 5522, S. 194-196.