Wir die nâchgeschribenen fro Cristina von Hûsen a^ebtissenn vnd der conuent ge||mainlich dez closters ze Maggeno^vw¹ tu^en kunt vnd veriehent offenlich mit di||sem brieue fúr v´ns vnd fúr alle v´nser nachkomen allen, die in sehent lesent || oder ho^erent lesen, daz wir dem ersamen herren herr Nycolausen von V^otzzingen custer dez gotzhus ze sant Gallen² mit ainberem willen gelobt habent vnd loben im mit disem brieue fúr v´ns vnd fúr alle v´nser nachkomen, daz wir vnd alle vnser nachkomen dem vorgenanten herr Nycolausen von V^otzzingen vnd allen sinen nâchkomen, wele dann ie custer ist dez vorgeschribenen gotzhus ze sant Gallen, aller ja^erlich ie ze sant Gallen tag ain phunt phenning gůter Costentzzer múnse von dem gůt ze Heroltsperg³ ahtenthalb phunt wachses vnd zwai phunt wieroch sant Galler gewihtes vnd zwai corporâl an fúrzug vnd ân alle minrung geben vnd rihten sont, won wir v´ns dez an erberen lúten eruarn habent vnd bewiset sient, daz wir vnd alle v´nser nachkomen daz selb phunt phenning gůter Costentzzer múnse ahtenthalb phunt wachses vnd zwai phunt wieroch dez vorgeschribenen gewihtes vnd zwai corporâl ân alle minrung ainem custer dez vorgeschribenen gotzhus ze sant Gallen aller ja^erlich ie ze sant Gallen tag geben vnd rihten sont. Vnd ze vrkúnd der wârhait aller der vorgeschribenen dinge vnd vergiht so habent wir die vorgedâhten die a^ebtissenne vnd der conuent gemainlich dez vorgeschribenen closters ze Maggeno^vw fúr v´ns vnd alle v´nser nâchkomen min insigel vnd dez conuentes insigel ze Maggeno^vw gehenkt an disen brief. Der geben ist ze Maggeno^vw an dem na^ehsten ma^entag vor sant Martis tag in dem jâr, do von Cristus gebúrt warent drúzehenhundert jâr, sibenzig jâr vnd darnach in dem sehsten jare.

Source Fulltext: Chartularium Sangallense IX, Nr. 5541, S. 214-215.