Ich^a) V^olrich Litscher stattamman ze Veltkirch¹ kúnd vnd vergih offenlich an disem brief allen den, die in an sehent^b) oder ho^erent lesen, daz ich ze geriht sass ze Veltkirch in der statt || von gewaltz wegen dez edeln mins gena^edigen herren gra^vf Růdolfs von Montfort² herren ze Veltkirch an dem na^ehsten zinstag nah sant Hylarien tag vnd daz do fúr geriht || kam mit fúrsprechen Cůnrat der Volrer vnd Angness sin tohter burgerin ze Veltkirch vnd offnetent da vor geriht, daz sú ains kouffs v´ber ain wa^erint komen vnd ze || kouffent hettont geben reht redelich vnd aigenlich dem erwirdigen herren abt Hainrichen abt dez gotzhuss ze sant Johann³ sant Benedicten ordens in Costentzer bystum gelegen vnd dem conuent gemainlich dez selben closters vnd allen iren na^vhkomen disú na^vhbenempten gu^eter, dú hie na^vh geschriben sta^vnd, dez ersten ainen wingarten ze Fro^ewis⁴ mit allen sinen zůgeho^erden, stosset ainhalb an die gassun vnd anderthalb an Johansen von V´rendorfs⁵ wingarten, vnd ain hofstatt haisset Kro^epflins hofstatt mit dem mad, dz darzů ho^ert, vnd Pfaffenrúti⁶ halbs, daz och darzů ho^ert, disú gu^eter a^ellú mit grund mit gra^vt mit steg mit weg mit holtz mit veld mit wasen mit zwy vnd mit allen rehten zůgeho^erden nútzzen vnd gewonhaiten, die dar zů ho^erent, als och sú dú gu^eter v´ntz her inne gehept hettint, dú selben gu^eter vnd dú selben reht hettint sú dem obgenanten erwirdigen herren abt Hainr. von sant Johann vnd dem conuent gemainlich vnd iren nahkomen aigenlich ze kouffent geben fúr ledig aigen a^vn daz gelt, daz der erwirdigen fro^vwen der a^ebtissinn von Schennis⁷ dar vs ga^vt ab den gu^etern, vrnb sybentzig phunt phenning als gůter vnd gena^emer Costentzer rnúnsz, der sú gar vnd gentzlich von im gewert wa^erint vnd an iren redelichen nucz komen vnd bewendet wa^erint, vnd ba^vtent ze erfarent an ainer vrtail vor geriht, wie sú den kouff vollfu^eren vnd vff geben so^eltent, daz ez kraft vnd maht hett vnd sta^et belib nu vnd och herna^vh von inen vnd iren erben. Darvmb ward ertailt gemainlich mit vmbgender vrtail vnzerworfenlich, sider daz sú dez koufs also v´ber ain wa^erint komen, als vor beschaiden ist, vnd och den kouf volfu^eren weltint, als reht wa^er, sider daz denn Cůnrat der Volrer der obgnanter Angnesen siner tohter rehter vogt wa^er, daz er denn die selben siner tohter vogty vff ga^ebe mit miner hand^c) vnd daz denn dú selb sin tohter Angnes ainen andern vogt na^em v´ber diss sach mit miner hand vor geriht, vnd wenn si den vogt genomen hetti, daz denn der vorgenant Cůnrat Volrer von sinen wegen vnd dú egenant sin tohter Angnes mit irem vogt, den si denn genomen hett, dar giengend vor geriht vnd daz gůt den obgenanten wingarten ze Fro^ewis vnd Kro^epflins hofstatt mit dem mad, daz darzů ho^ert, vnd och Pfaffenrúti halbs, daz och darzů ho^ert, mit allen zů geho^erden, als och vor beschaiden ist, vff ga^ebent mit miner hand reht vnd aigenlich, als vorgeschriben sta^vt, dem erwirdigen abt Hainr. abt dez gotzhuss ze sant Johann vnd dem conuent gemainlich vnd allen iren na^vhkomen, als sú o^vch mit im v´ber ain wa^erint komen, vnd och denn lobtent vnd verhiessint, den obgenanten herren vnd iren na^vhkomen fúr sich selber vnd fúr iro erben gůt wern ze sind na^vh reht vmb dú obgenanten gu^eter vnd vmb den kouff, wa^v sú sin notdúrftig wa^erint, an gaistlichem vnd weltlichem geriht a^vn all gefa^erd, vnd wenn daz also bescha^ehe, daz denn der kouf vmb din wingarten vnd vmb dú gu^eter, als vorbeschaiden ist, wol kraft vnd maht hett vnd vest vnd sta^et so^elt beliben nu vnd her na^vh. Vnd do daz also ertailt ward, do gieng der egenant Cůnrat Volrer dar vnd gab die vogty siner tohter vff in min hand, vnd nam do dú selb sin tohter Angnes mit miner hand, als ertailt ward, ze rehtem vogt v´ber diss sach Johansen von V´rendorf, vnd giengend dar vor geriht vnd ga^vbent vff mit miner hand, als ertailt ward, der obgenant Cůnrat Volrer von sin selbs wegen vnd Angness sin tohter mit ir vogtz hand willen vnd gunst Johansen von V´rendorfs, der ir rehter vogt waz v´ber diss sach, dem egenanten erwirdigen herren abt Hainr. vnd dem conuent gemainlich ze sant Johann vnd allen iren nahkomen^d) den vorgenanten wingarten ze Fro^ewis vnd die obgenant hofstatt mit dem mad, daz darzů ho^ert, vnd Pfaffenrúti halbs vnd als, dz zů dem wingarten vnd gu^etern ho^ert von reht alder von gewonhait, als vor beschaiden ist vnd als sú dú selben gu^eter vnd wingarten vncz her genossen hand vnd als sú mit im in koufs wi^vs v´ber ain wa^vrent komen, vnd lobtent och vnd verhiessent, vmb dú selben gu^eter a^ellú vnd vmb den kouf fúr sih selber vnd fúr iro erben gůt wern ze sind nah reht der obgnanten herren vnd iro na^vhkomen, wa^v sú sin iemer bedurfent, an gaistlichen vnd weltlichem geriht, a^vn all gefa^erd, vnd ha^vnd den kouf also geta^vn vnd vollfu^ert mit red mit werchen mit ra^eten mit geta^eten mit allen stukken vnd artikeln, als reht wz, vnd darzů an den stetten, daz ez billich kraft vnd maht ha^vn sol vnd iemer sta^et beliben nu vnd och her na^vh, vnd och sunderlich mit willen wissent vnd gunst dez edeln mins gena^edigen herren gra^vf Růdolf von Montfort herren ze Veltkirch, wan daz als sin gůter will vnd gunst wz vnd gewesen ist. Vnd dez ze wa^vrem vrkúnd diss koufs, der mit miner hand vor geriht vollfu^ert ward, wie reht vnd vrtail gab, henk ich obgenanter V^olrich Litscher stattamman ze Veltkirch von dez gerichtz wegen, als och ertailt ward, min aigen insigel an disen brief. Ich vorgnanter Cůnr. Volrer vnd ich egenanter Johans von V´rendorf der obgenanten Angnesen dez Volrers tohter rehter vogt v´ber dis sach henkent och v´nsrú aigenn insigel an disen brief ze ainer wa^vrhait vnd ze vergiht aller der ding vnd geding, dú an disem brief geschriben sta^vnd, vnder dú selben insigel ich vorgenantú Angnes dez Volrers tohter mich verbind vnd verbunden ha^vn, sta^et ze habent als, dz hie vor geschriben vnd berett ist. Wir obgenanter gra^vf Růdolf von Montfort herr ze Veltkirch vergehent och, daz dirr kouf vnd diss ding vnd geding, so an disem brief geschriben sta^vt, mit v´nserm gůten willen vnd gunst beschehen ist, vnd dez ze vrkúnd henkend wir v´nser aigen insigel an disen brief. Diss beschach vnd ward och dirr brief geben ze Veltkirch in der statt an dem obgeschriben zinstag in dem ja^vr, do man zalt von gottes gebúrt drútzehenhundert ja^vr, dar na^vh in dem sybentzigosten ja^vr.

Source Fulltext: Chartularium Sangallense VIII, Nr. 5210, S. 398-399.