Heinricus dei gratia Romanorum rex semper augustus universis sacri Romani imperii fidelibus, ad quos presentes littere pervenerint, gratiam suam et || omne bonum. Dum ad venerabiles principes nostros et imperii ac ad ipsorum loca et monasteria benigne convertimus aciem mentis nostre, ipsorum prospiciendio^a) indempnilltatibus et eorundem reformacionibus intendendo, salutem nostram et dicti imperii exaltacionem credimus procurare. Sane per nuncios venerabilis Heinr. abbatis sancti Galli¹ ordinis II sancti Benedicti dyocesis Constanciensis principis nostri dilecti extitit propositum coram nobis, quod dive recordacionis Adolfus Romanorum rex obligavit suo predecessori et ipsi monasterio per suas patentes litteras advocaciam sancti Galli tam super oppido sancti Galli quam super hominibus in Appacelle² et in Huntwiler³ et in omnibus aliis pertinenciis ad ipsam advocaciam spectantibus pro mille et trecentis marcis argenti⁴, in qua pecunia partim pro serviciis et dampnis, que in ipso servicio sustinuit, partim quia pro eo aliis servitoribus seu creditoribus solvit, eidem abbati fuit et ipsi monasterio obligatus, ipsam advocaciam cum omnibus sturis et utilitatibus tenendam et utendam, donec ipsi monasterio de dicta summa pecunie per eum vel successores in imperio foret integraliter satisfactum, quamvis tamen ipsum monasterium nulluni adhuc ex ipsa obligacione commodum reportarit, petentes, ut super hoc indempnitati ipsius monasterii providere de benignitate regia dignaremur. Nos igitur non solum ipsam obligacionem, sed quod ipsius monasterii prelati semper in ipsius imperii serviciis sint inventi, debite pensantes ac disponentes propter hoc per compassionis animum gratiose indempnitati ipsius abbatis et sui monasterii providere, pro nobis et nostris in imperio successoribus volumus, statuimus et ordinamus, ut de sturis, collectis, inposicionibus seu aliis proventibus, que in ipsa advocacia ex parte nostra more solito annis singulis inponuntur, idem abbas et sui successores nomine sui et monasterii sancti Galli in extenuacionem et recompensam dicte summe percipiant per tredecim annos annis singulis centum marcas, donec dicta pecunia fuerit totaliter persoluta, volentes et statuentes pro nobis et nostris successoribus, ut dictus abbas et sui successores in percepcione dictarum centum marcarum annis singulis per tempus prefatum per nos vel advocatos seu substitutos ipsorum vel per alios quoscumque nullatenus inpediatur, sed quod advocatus noster, qui pro tempore fuerit, et cives ipsius oppidi sancti Galli et alii homines in ipsa advocacia habitantes ad solucionem et assignacionem dictarum centum marcarum de stura ibidem inposita annis singulis ipsi abbati faciendam plenarie teneantur. Quidquid autem a dicto abbate receptum fuerit, hoc in extenuacionem dicte pecunie cedere debet, sie quod solutis et reeeptis mille et trecentis marcis prefata obligacio et littere super ea confecte nullius penitus sint momenti. In cuius rei testimonium sigillum maiestatis nostre presentibus est appensum. Dat. Laude⁵, decimo kln. maii, anno domini millesimo trecentesimo undecimo, regni vero nostri anno tercio.

Source Fulltext: Chartularium Sangallense V, Nr. 2775, S. 196-197.