Wir graue Albreht der elter von Werdenberg¹ tůn kunt vnd veriehen offenlich an disem || brieue fúr v´ns vnd fúr alle v´nser erben vnd nahkomen allen, die in ansehent, lesent oder ho^erent || lesen, das der erwirdig herre von gottes gnaden abt Herman des gotzhus ze sante Gallen² || vnd das gotzhus ze sante Gallen die vogtigen ze Appacelle³, ze Huntwile⁴, ze Túffen⁵, ze Vˆrna^eschun⁶, ze Wittebach⁷, ze Na^enggerswile⁸ vnd ze dem Rodmonten⁹ von v´ns gantzlichen vnd gar erlo^eset hat vnd erledgot vmb sehshundert march gůtes vnuersprochens silbers Kostentzer gewiht, die wir von im bar enpfangen haben vnd in v´nsern offenbarn nutz bekeret. Wir haben ouch dem selben abt Herman vnd dem gotzhuse ze sante Gallen die vorgenemten vogtygen mit allen rehten von des durlúhtigen v´nsers gna^edigen herren von gottes gnaden kayser Ludwigs von Rôme haissens wegen, von dem sú v´nser pfant waren von dem riche¹⁰, gantzlichen vnd gar ledig gelâssen vnd lassen sú ledig mit disem brieue. Wir haben v´ns ouch willeklichen entzigen vnd entzihen v´ns mit disem brieue fúr v´ns vnd fúr alle v´nser erben aller ansprache vnd vordrunge, die wir ald v´nser nahkomen an dem vorgenemten pfantschatz vntz her gehebt haben ald iemer gewinnen mo^ehtin von der vorgenemten sehs hundert march silbers wegen. Vnd ze ainem wâren vrkúnde vnd ze ainer sta^etun sicherhait der vorgeschriben dinge henken wir v´nser insigel an disen brief. Der geben ward ze Kostentz in der stat, do man zalte von gottes geburt drúzehenhundert jâr, viertzeg jâr, darnah in dem fúnften jâre, an dem na^ehsten fritag vor sant Johans tag des Tôffers.

Source Fulltext: Chartularium Sangallense VI, Nr. 3929, S. 475-476.