Wir Ludwig herzog von Tekk des Ro^emischen cheiser Ludwigs hofrihter || vergehen offenlich an disem brief, daz wir dem erwirdigen ffúrsten vnd besúnder||lich vnserm genaedigen herren apt Herman von sant Gallen vnd siner stift geloben || vnd geheizzen mit vnsern triwen vnd ayd, alles daz ze tůn vnd ze vollfúren, als ein man sinem herren von sinen lehen vnd siner stift ze reht tůn sol, wan er vns Oberndorf die stat vnd waz zů dem schenk ampt geho^ert, ze rehtem lehen verlihen hat, als ez vnser vordern biz her an vns braht hant. Des geben wir im vnd der stift disen brief versigelt mit vnserm insigel, daz dar an hanget, da man zalt von Cristus gebúrt driv´zehen hundert jar, dar nach in dem driv´ vnd vierzigosten jar, an sant Gallen tag.

Source Fulltext: Chartularium Sangallense VI, Nr. 3856, S. 413.