Dem erwirdigen gaistlichen fúrsten vnd herren herren Jergen apt dez gotzhuses zů sant Gallen¹ enbieten || wir Ffridrich hertzog ze Tegge² v^enser willig dienst berait zu allen zitten. Wir laußen v´ch wißen, daz wir dem || edeln hohgebornen graff Růdolffen von Hohemberg³ v^enserm lieben o^eheim^e die stat Oberndorff⁴ ze kouffent geben || haben, die wir von v´ch vnd v´werm gotzhus biß her ze lehen gehebt haben, die selben lehen mit dem schenken ampt, daz wir da von zů sant Gallen dem gotzhus hattent, wir v´ch uff sendent by dem edeln wolerbornen graff Ffrid. von Zolrr^e5 von Schalczburg⁶ ritter v^enserm lieben o^eheim^e, der v^ewer man ist, vnd geben v´ch ouch uff die vorgenanten lehen mit dem schenken ampt mit disem gagenwúrtigen brief, vnd bitten v´ch mit allem flizz^e vnd ernst, daz ir die vorgenanten statt Oberndorffe vnd daz schenken ampt, daz wir da mit von v´ch ze lehen gehebt haben, von v^ens uf memen^a) wellent vnd fúrbaz lihent dem vorgenanten graff Růdolffen von Hohemberg v^enserm lieben o^eheim^e die obgenanten stat Oberndorff mit ir zů geho^erd vnd ouch da mit daz schenken ampt, daz wir da von hattent, mit allen wirdin eran, als wir es von v´ch ze lehen gehebt haben, vnd ouch darumb dez lihentz besorgen wellent mit v´wern fúrstenlichen briefen, daz er von v´ch vnd v´werm gotzhus dez lihentz habent sige vnd crafft vnd maht habe, daz wellent wir vmb v´ch vnd v´wer gotzhus alle zitt verdienen. Vnd dez zů vrku^end senden wir v´ch disen brief besigelt mit v^enserm aigen insigel, daz offenlich dar an gehenkt ist. Dirr^e brief ist geben ze Rotemburg⁷ an sant Siluesters tag nach gottes gebúrt drúhtzehenhundert jare, darnach in dem fúnf vnd súbentzzigosten jare.

Source Fulltext: Chartularium Sangallense IX, Nr. 5430, S. 107-108.