Allen den, die disen brief ansehent lesent oder ho^erent lesen, tu^en wir Johans vom Rosenhart¹ ritter vnd || Werntz sin brůder kunt vnd veriehent offenlich mit disem brief fúr v´ns vnd fúr alle v´nser erben, daz wir baid mit bedahtem můt willeklich gesworn haben ietweder besunder ainen gelerten aid zů den hailgen || mit vfgehepter hand, daz wir vnd v´nser erben mit der burg Mollenberg², die von dem gotzhus ze sant Gallen v´nser burgsa^ez ist, dem erwirdigen v´nserm gena^edigen herren Georien von gottes gnâden abt des gotzhus ze sant Gallen³ vnd sinen nâhkomen warten vnd damit tůn súllen, als ain burgman von sinem burgsa^ez billich vnd von reht tůn sol, ân geua^erd. Vnd des ze ainer warhait henken wir v´nsri insigel fúr v´ns vnd fúr alle v´nser erben an disen brief. Der geben ist ze Wil⁴ in der stat an dem na^ehsten fritag vor sant V^olrichs tag in dem iar, do man zalt von gottes gebúrt drúzehenhundert iar, sehzig iar vnd darnach in dem sehsten iare.

Source Fulltext: Chartularium Sangallense VIII, Nr. 5030, S. 220.