Allen den, die disen brief ansehent lesent oder ho^erent lesen, tůn ich Wilnhelm vom Rosenhart¹ kunt || vnd vergich offenlich mit disem brief fúr mich vnd fúr alle min erben, daz ich mit bedahtem můt || willeklich gesworn hân ainen gelerten aid ze den hailigen mit vfgehepter hand, daz ich vnd min || erben mit der burg Mollenberg², die von dem gotzhus ze sant Gallen min vnd herr^a) Johansen vnd Werntzen miner brůder burgsa^ez ist, dem erwirdigen minem gena^edigen herren abt Georien von gottes gnaden abt des gotzhus ze sant Gallen³ vnd sinen nâhkomen warten vnd damit tůn sol, als ain burgman von sinem burgsa^ez billich vnd von reht tůn sol, ân geua^erd. Vnd des ze ainer warhait henk ich min insigel fúr mich vnd fúr alle min erben an disen brief. Der geben ist ze Wil⁴ in der stat an sant^b) Markus tag in dem iar, do man zalt von gottes gebúrt drúzehenhundert iar, sehzig iar vnd darnach in dem sibenden jar.

Source Fulltext: Chartularium Sangallense VIII, Nr. 5061, S. 243.