Wir^a) gra^vf Růdolf von Montfort¹ herr ze Veltkirch² kúndent vnd vergehent offenlich an disem brief || allen den, die in an sehent oder ho^erent lesen, daz wir habint an gesehen die getrúw dienst, || die v´ns vnd v´nsern vordern die gotzhus lút ze Fůssach³ vnd ze Ho^est⁴, die in den kelnhof ze Ho^est || geho^erent, vil zites willeclich geta^vn ha^vnd vnd v´ns och noch in kúftiger zit getůn mu^vgent. Vnd da von so haben wir in die gena^vd geta^vn, daz die selben gotzhus lút noch ir na^vhkomen v´ns noch v´nsern erben vnd nahkomen nu^v hinnanhin niemer me dehainen libval geben sond, wan wir v´ns dez wol erfaren habent, daz sú v´ns von rechtz wegen enkainen val geben sond. Dartzů haben wir in sunderlich die gena^vd geta^vn, daz sú vnd ir nahkomen v´ns noch v´nsern nahkomen nit fúro stúren noch dienen sond, wan als von alter her der^b) hofs ze Ho^est recht vnd gewonhait ist, a^vn all geverd. Vnd sond wir noch v´nser erben vnd nahkomen sú noch ir erben vnd na^vhkomen fúrbaz nit vf triben noch an raichen mit dehainen sachen sußt noch so a^vn all geverd. Dirr ding ze wa^vrem vrkúnd vnd sta^eter sicherhait geben wir inen vnd iren erben disen brief besigelt fúr v´ns vnd fúr v´nser erben vnd na^vhkomen mit v´nserm aigenn insigel. Geben ze Veltkirch an der mitwochen na^vh sant Vallentis tag in dem jar, do man zalt von Cristus gebúrt drútzehenhundert vnd sibentzig ja^vr, dar na^vh in dem sehsten ja^vr.

Source Fulltext: Chartularium Sangallense IX, Nr. 5490, S. 160-161.