+ + In nomine patris et filii et spiritus sancti amen. + Quoniam, que in tempore aguntur, cum tempore labuntur, necesse est, ut ea scriptis memoriis hominum commendentur. || Noverint igitur universi presentes litteras inspecturi, quod V^olricus miles dapifer de sancto Gallo¹ et V^olricus civis eiusdem civitatis dictus Blâraer² saluti anime sue providere volentes, domino in||spirante de voluntate et consilio venerabilis domini C. tunc temporis abbatis sancti Galli³ et capituli eiusdem et de consensu B. tunc temporis plebani apud sanctum Gallum simul et ministelrialium hospitale in honore sancte et individue trinitatis⁴ construendum ad infirmorum custodiam et pauperum solatium mente concipientes, dictus dapifer a memorato cive domum quandam ad hoc aptam apud sanctum Gallum iuxta forum sitam per concambium acquisivit et ei de predio suo, quod vulgo dicitur Blâichvn⁵, XX solidorum reditus donavit, duarum etiam librarum reditus et IIIIor solidorum de eodem predio contulit hospitali et ecclesie parrochiali libram unam pro dampno, quod sustineret de hospitali^a), de sepedicto predio in Bleickvn annuatim persolvere constituit, et pro fundo domus, qui ad sanctum Gallum⁶ pertinebat, predium suum Frîmanshvs⁷ monasterio tradidit, ut iam dictum hospitale sine respectu alicuius in fundo proprio^b) fundaretur. Predictus vero civis dictus Blaˆraer domino instigante reditus eiusdem libre, quam pro domo receperat, cum horto retro domum et cum censu trium modiorum avene et unius quartalis tritici in monte dicto Eczisperck⁸ sepedicto tradidit hospitali. Deinde statutum est, ut idem hospitale de feodo vel de predio, quod habet, vel si quod in futuro dante domino possidebit, libram unam cere monasterio sancti Galli in festo eiusdem conferet annuatim, tali videlicet habita conditione, ut si quis sive dominorum sive ministerialium seu aliorum virorum vel mulierum de feodo vel predio suo res mobiles vel immobiles iam dicto hospitali conferre voluerit, id de predictorum dominorum sit omnimodis voluntate. Ipsi quoque nullam ei inferre debent aliquatenus lesionem, immo etiam ubicumque potuerint tenentur defendere, ne ledatur. Quod si quis malignus instinctu diabolico et dei timore postposito hospitale sepedictum in pertinentiis suis seu aliquibus rebus aliis ledere presumpserit, sciat se hoc ipso facto districti anathematis vinculum incursurum. Ut autem hec nullius temeritate valeant abrogari, sigillorum domini episcopi Constantiensis⁹, domini abbatis sancti Galli et capituli eiusdem munimine presentem paginam placuit roborari. Acta sunt hec apud sanctum Gallum, anno ab incarnatione domini M°.CC°.XX°V.III°. anno decemnovenalis cycli XIII°. epactis XII. F.littera annali. A.littera dominicali. concurrentibus VI. indictione I^a. quarto non. septembris. Testes autem, qui hec viderant et audierant, sunt hii: Manegoldus decanus et custos ecclesie sancti Galli¹⁰, Burchardus prepositus¹¹, Livtoldus decanus dictus de Krêigen¹², Berhtoldus de Tengin¹³, Rv^oedegerus de Raetirshoven¹⁴, Chu^onradus de Mv^omclinchon¹⁵, Vl.^c) et G. fratres carnales¹⁶ et totus conventus, Livtoldus et V^olricus sacerdotes de sancto Laurentio¹⁷, Rv^odolfus de Rôscha¹⁸, Chu^onradus et Heinricus fratres carnales de Rammeswâc¹⁹, Ru^odolfus de Haginwilaer²⁰, Chv^onradus de Einewilaer²¹, Chu^onradus de Rawilaer²² ministeriales, magister Berhtoldus cocus²³, magister B. mercator, V^olricus dictus Bolaer et Egelolfus frater suus, Egelolfus Blârraer, V^olricus Ursus, Gerwigus, V^olricus Belohse, Rv^odolfus Spisser²⁴ et alii quamplures tam clerici quam laici, in domino feliciter, amen, +

Source Fulltext: Chartularium Sangallense III, Nr. 1158*, S. 166-168.