In nomine sancte et individue trinitatis. C. dei gracia Constanciensis epicopus¹ omnibus fidelibus imperpetuum. Quoniam singulis fragilis est memoria et rerum gestarum veritas oblivioso tractu temporis evanescit, ea, que geruntur in tempore, scripturarum beneficio perennantur. Noverint igitur tam posteri quam presentes, quod cum Diethelmus comes senior de Toggenburck ac filius ipsius Diethelmus² pro suo parentum suorum remedio peccatorum hospitali Ierosolimitano³ XXX^a mansus cum omni integritate ac libertate contulissent perpetuo possidendos, Diethelmus, Bertoldus, Krafto, Rudolfus filii Diethelmi prefati comitis iunioris⁴ donacionem factam hospitali memorato infirmare pro sue voluntatis arbitrio sunt conati. Postmodum vero, ne effectus donacionis prelibate ab ipsis filiis Diethelmi iunioris comitis maliciose ac indebite quassaretur, mediante Diethelmo patre puerorum tandem hinc inde consilio ac concensu^a) ministerialium talis composicio intervenit. Frater Burchardus magister hospitalis in Bu^obinckon⁵ pueris antedictis ac patri ipsorum predia hospitali collata curtim in Gampen⁶, Honvere⁷, Landelswalt⁸, Wise⁹, Marrewiler¹⁰, Bu^och¹¹, Langenowe¹², Gu^ottissedil¹³, Stettevurt¹⁴, Ebinholtz¹⁵, Einoede¹⁶, Lütewiler¹⁷ et Affeltrangen¹⁸ restituit intre^b), centum marcas argenti eisdem superaddens. Deinde tam pater quam filii supradicti ac avus ipsorum curtem in Tobel¹⁹ et ecclesiam ipsius ville parrochialem cum omni iure integritate ac libertate hospitali prefato cessante contradictione cuiuslibet contradiderunt, hoc addentes, ut, quicumque hominum ipsius ecclesie tunc temporis bona eiusdem excolerent vel inhabitarent, a iugo advocacie ab ipsis imperpetuum sint exempti. Si qui autem hominum ecclesie eiusdem extunc supervenerint ad bona ipsi hospitali collata inhabitanda seu eciam excolenda, tandiu a servicio addvocacie^a) inmunes habebuntur, quamdiu in bonis hospitali collatis residebunt. Preterea quicumque fidelium eorundem, in quibus iidem habent proprietatem, possessio vero ipsorum feodaliter transit ad fideles, quantum deus inspiraverit conferendi prefato hospitali, eidem facultas libera est collata. Ministralibus eciam ac hominibus ipsorum de rebus propriis sive de bonis, que in modum feodi possident ab ipsis, quorum proprietas spectat ad dominos antedictos, hospitali memorato licet, quantum placuerit, errogare. Insuper mulieres, quarum servitus^c) proprietatis cedit dominis supradictis, si contraxerint cum ominibus^a) hospitalis, eidem cedunt taliter generati, e converso, si mulieres hospitalis contraxerint cum hominibus, quorum ius proprietatis spectat ad dominos prelibatos, pueri in servitute ipsorum remanebunt. In omnibus supradictis quidquid iuris habuit vel habere videbatur quoad vitam suam uxor Diethelmi comitis iunioris, id totum filiis suis contulit memoratis, qui predicto hospitali iure plenario illud libere erogaverunt. Ad hec extitit ordinatum, ut duo sacerdotes et unus minoris ordinis in ecclesia Tobel a fratribus ipsius hospitalis famulatum devotum inpendant domino. In eadem eciam ecclesia ob reverenciam et libertatem loci perpetuo conservandam dicti comites sibi et posteris suis sepulturam liberam elegerunt. Ut autem factum donacionis huius de certo in dubium nullatenus revocetur, presens scriptum tam nostro quam Diethelmi comitis sigillis duximus roborandum. Acta sunt hec in cimiterio Livtensburck²⁰ coram multis, quorum nomina sunt subscripta, anno dominice incarnacionis M°.CC°.XXVIII°, indiccione I^a. Testes autem sunt hii: Lutoldus clericus de Glateburck²¹, Berhtoldus decanus de Sirnach²², Wernherus plebanus de Wile²³, Burchardus clericus de Mogelßberc²⁴, Albertus de Bussenanc²⁵, Eberhardus et Waltherus fratres carnales de Bichelnse²⁶, V^olricus de Wiltperc²⁷, Livtoldus de Glateburck²⁸, Livtoldus de Lapide²⁹, Heinricus de Iberch³⁰, Spiche^d) de Joneßwyler³¹, Heinricus de Bruneberc³², Leo de Hvckenriet³³, Bertoldus de Lobio³⁴, Diethericus de Mvnchewyler³⁵, Bertoldus de Walterholtz³⁶, Cu^onradus de Vilmarsperc³⁷, V^olricus de Egge³⁸, Burchardus et Jacobus fratres de Buchinßwiler³⁹, Chuno de Buches³⁹, V^olricus de Lamprechtzwyler⁴⁰, Arnoldus de Walferys³⁹, Eppo de Secinchon⁴¹ et filius eius Heinricus de Edelolßwyler³⁹, Heinricus de Oetinßwiler³⁹, Vlricus de Cheschegge⁴², Chu^onradus Fantelinus⁴³ et frater eius Heinricus de Lomeizß⁴⁴ milites, Diethericus, Volcnandus, Ru^odolfus, Waltherus fratres de Domo Buggo³⁹, filii Lutoldi, burgenses de Liehtvnsteige⁴⁵, burgenses de Vchena⁴⁶ et alii quam plures.

Source Fulltext: Chartularium Sangallense III, Nr. 1160, S. 168-170.