Universis Christi fidelibus presentem paginam inspecturis Cu^onradus dei gratia sancti Galli || abbas¹ ac Universum eiusdem ecclesie capitulum geste rei noticiam. Quia longa inter || nostram ecclesiam et monasterium de Salem² familiaritas est contracta et mutua viguerunt || caritatis obsequia, ita ut fratres illi ad nos et nostri ad illos venientes solite prebende ab invicem reciperent stipendium, in spiritualibus quoque pro mortuis ipsorum eadem orationum suffragia solvimus, que pro nostris solvere consuevimus, et ipsi vice versa pro nostris, quod pro suis agere consueverunt^a), et ut hec caritatis beneficia inter nos ac predictos fratres in posterum perseverent, hoc eis beneficium indulsimus, ut quiquid^b) in provinciola illa, que Bare³ vulgo dicitur, de prediis nostris, que vel ministeriales nostri vel alii militares homines a nobis in feudo tenuerint, sive etiam de propriis ministerialium nostrorum per emptionem vel per concanbium conquirere potuerint, vel etiam si quid predicti homines de prefatis prediis pro remedio animarum suarum memorato monasterio conferre voluerint, libere recipiant, ita tamen, quod de omnibus, que aquisierint, annuum censum, id est duas libras cere, in festo beati Galli ecclesie nostre persolvant, salvo tamen censu, qui de decima in Rûnstat^c)4 ecclesie nostre solvitur ab eisdem. Dat. apud sanctum Gallum, anno gratie M°.CC°.XXX°.VII°. kl. augusti.

Source Fulltext: Chartularium Sangallense III, Nr. 1262, S. 220.