S. prepositus de^a) Curwalde et V^ol. dictus de Iuualt^b) canonicus Curiensis iudices a sede Magunt(ina) delegati domine abbatisse et conventui de Oberriet^c) amare deum pre omnibus. Licet equitati congruat et rigori, controversias iurgantium celeri sententia terminari, nos tam^d) religionis reverentiam honorantes processum nostrum amplius iusto retardavimus, crebris aput caritatem vestram tam monitionibus quam cohertitionibus^e) insistentes, ut causam vestram, que nobis commissa exstitit, defendere curaretis. Vos autem inter multos terminos ad hoc minime poteratis induci^f), disciplinam prorsus ecclesiasticam condempnentes. Nos igitur attendentes in iure cautum esse, quod lite coram primo iudice legitime contestata, si tandem a sententia fuerit appellatum, iudex super hoc delegatus, [a]ltera^g) parte se per contumatiam absentante^h), cum ei de meritis cause liquebit, commissum sibi negotium iuditiali possit calculo diffi[ni]re^g), postquam nobis constitit de appellatione a vobis interposita et certo termino appellationi prosequende per iudicem assignato, cum non fueritis [appella]tionem^g) ipsam constituto termino prosecute, congnitoⁱ⁾ prius de meritis cause, sententiam ordinarii super possessionibus in Norsingin sitis, de quibus [inter v]os^g) et monasterium sancti Galli fuerit^k) agitata questio, promulgatam non obstante absentia vestra ratam iudicamus^l) permanere, perpetuum vobis [iuxta]^g) formam nobis traditam in eodem negotio silentium imponentes et condempnantes vos in expensis legitimis, quas a die interposite ap[pellatio]nis^g) fecit occasione huiusmodi pars adversa et factura est, etiam usque dum sententie pareatur. Dat. in ecclesia sancti Martini Curien(si), anno domini^m) M°.CC°.XLIII°. mense aprili, quarta feria proxima post festum Marci ewangeliste, indictione prima. Testes horum sunt Hainricus decanus maioris ecclesie Curiensis, Volcmarus et Fridericus sacerdotes sancti Lucii Curien(sis), V^olricus et Ru^odolfus sacerdotes de Curwalde Curiensis diocesis, Hermannus subdiaconus sancti Lucii Curien(sis), Fridericus subdiaconus maioris ecclesie Curiensis et alii quam plures. Ego vero V^olricus dictus de Juualtⁿ⁾ canonicus Curiensis sigillum proprium non habens sigillo decani mei usus sum ad presens.

Source Fulltext: Chartularium Sangallense III, Nr. 1322, S. 260.