+ Innocentius + episcopus servus servorum dei dilectis in Christo filiabus . . priorisse et conventui monasterii de Maggeno||we^a)1 Cisterciensis ordinis Constantiensis diocesis salutem et apostolicam benedictionem. Iustis petentium desideriis dignum est nos facilem || prebere consensum et vota, que a rationis tramite non discordant, effectu prosequente complere. Cum igitur, sicut || ex parte vestra fuit propositum coram nobis, bone memorie . . ^b) Constantiensis episcopus² reddituum monasterii vestri tenuitate pensata, ecclesiam de Maggenowe^c)3, in qua ius patronatus habetis, cuius proventus octo marcharum argenti valentiam prout asseritis annis singulis non excedunt, de consensu capituli sui vobis et per vos monasterio vestro, prout spectabat ad eum, cum ipsam vacare contigerit^d), in usus proprios duxerit concedendam, prout in litteris⁴ confectis exinde dicitur plenius contineri. Nos obtentu dilecti filii . . abbatis sancti Galli⁵ vestris devotis supplicationibus inclinati, quod ab eodem episcopo in hac parte provide factum est, ratum et gratum habentes illud auctoritate apostolica confirmamus et presentis scripti patrocinio communimus, proviso ut eidem ecclesie faciatis per idoneum vicarium deserviri, reservata ipsi de proventibus eiusdem ecclesie pro sustentatione sua et consuetis oneribus congrua portione. Nulli ergo omnino hominum liceat hanc paginam nostre confirmationis infringere vel ei ausu temerario contraire. Siquis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Dat. Lugduni, non. februar. pontificatus nostri anno octavo.

Source Fulltext: Chartularium Sangallense III, Nr. 1460, S. 350-351.