Innocentius episcopus servus servorum dei dilecto filio . . preposito monasterii sancti Galli¹ Constantiensis diocesis salutem et apostolicam benedictionem. Cum, sicut || ex parte dilectarum in Christo filiarum . . priorisse et conventus monasterii de Maggenowe Cistertiensis^a) ordinis Constantiensis diocesis fuit propositum || coram nobis, bone memorie . . Constantiensis^b) episcopus reddituum monasterii ipsarum tenuitate pensata ecclesiam de Maggenowe, in qua ius habent || patronatus, cuius proventus octo marcarum argenti valentiam, prout asserunt, annis singulis non excedunt, de consensu capituli sui eis et per se monasterio ipsarum, prout spectabat ad eum, cum ipsam vacare contigerit^c), in usus proprios duxerit concedendam, prout in litteris confectis exinde dici tur plenius contineri, nos obtentu dilecti filii . . abbatis sancti Galli ipsarum devotis supplicationibus inclinati, quod ab eodem episcopo in hac parte provide factum est, ratum et gratum habentes, illud auctoritate apostolica duximus confirmandum, proviso, ut eidem ecclesie faciant per ydoneum^d) vicarium deserviri, reservata ipsi de proventibus eiusdem ecclesie pro sustentatione sua et consuetis oneribus congrua portione. Ideoque discretioni tue per apostolica scripta mandamus, quatinus^e) dictas priorissam et conventum non permittas contra nostre confirmationis tenorem super hiis ab aliquibus indebite molestari, molestatores huiusmodi per censuram ecclesiasticam appellatione postposita compescendo. Dat. Lugduni^f), XV kl. martii, pontificatus nostri anno octavo.

Source Fulltext: Chartularium Sangallense III, Nr. 1461, S. 351-352.