Rv^odolfus^a) comes de Raprechtswile¹ omnibus presentem paginam inspecturis noticiam subscriptorum. Opus pietatis || agitur, cum hiis, qui in religione domino famulantur, ut sine inpedimento quolibet in eodem dei famulatu persistere queant, provide || subvenitur. Notum sit igitur tam presentibus quam futuris, quod nos instinctu pietatis devota liberalitate et liberali devotione || venerabilibus et dilectis in Christo religiosis . . abbatise^b) et conventui monasterii Wurmespach², cuius nos fundatorem recognoscimus et gaudemus, de consensu . . nobilis femine uxoris nostre conmitisse^b)3 et prolis nostre⁴ ob honorem gloriose virginis Marie et omnium sanctorum pro remedio animarum nostrarum et omnium parentum nostrorum concedimus tradimus et licenciando donamus, ut e˛e˛dem in silvis nostris Gewege⁵ Wegental⁶ Stochberc⁷ Roslehobt⁸ necnon et in adiacentibus silvis et nemoribus, quocumque alio nomine censeantur, ligna, que wlgo dicuntur brennuholz seu zimberholz, ad XX^ti naves bene onustas annis singulis in usus proprios succidi seu secari faciant temporibus et locis, quibus eisdem melius commodiusque videbitur expedire, et per aquas seu terras secundum quod placuerit ducant et ad utilitates proprias et expendant heredum seu successorum nostrorum vel alterius contradictione qualibet non obstante. In huius igitur permissionis concessionis tradicionis donationis plenam perpetuamque evidenciam presentem paginam nostro iussu conscriptam sigillis videlicet venerabilium in Christo A. dei gratia Heremitarum⁹ et de Capella¹⁰ abbatum et nostro patenter communitam dictis religiosis videlicet . . abbatise^b) et conventui ipsisque succedentibus conferimus in perpetuum valituram.

Source Fulltext: Chartularium Sangallense III, Nr. 1620, S. 449-450.