In nomine domini amen. Ne ea, que geruntur pro tempore, simul cum tempore labantur, testimonio scripture roborantur. Proinde noverint omnes hortodoxe fidei professores, quod nos Fridericus et Wilhelmus filii pie recordacionis Diethelmi quondam comitis de Toggenburg¹ questionem et controversiam, que vertebant^a) inter nos ex una et viros religiosos Heinr. abbatem et conventum monasterii de Ruti² Premonstratensis ordinis ex parte altera super quibusdam bonis, que iure hereditario nobis competere videbantur, post multas et varias altercaciones in arbitros immo pocius amicabiles compositores videlicet Heinr. venerabilem prepositum Imbriacensem³ et fratrem V^olr. de Wetzikon⁴ ordinis hospitalis Iherosolimitani compromisimus fide data hinc et inde, quod eorum decisioni vel, quod verius dici potest, amicabili composicioni sine contradictione qualibet pareremus. Qui quidem arbitri sic arbitrati sunt, quod nos omni iuri, quod in bonis paternis credebamus habere, que quidem bona cenobium antedictum titulo empcionis vel donacionis a felicis memorie patre nostro quondam comite de Toggenburg et Diethelmo et Krafftoni fratribus nostris⁵, quorum neuter tempore empeionis et vendicionis dictorum bonorum filios vel filias procreaverat, fuerat assecutum, et specialiter iuri, quod in Verrich⁶ in angendem Wald⁷ et Hirsindowe⁸ et Husinwile⁹ et Richon¹⁰, et illi, quod a Pantlino¹¹ milite titulo empcionis actum^b) fuerat, renunciaremus libere et absolute, ipsi vero abbatis^b) et conventus de Ruti XII marcas argenti puri a die lati arbitrii ad VIII dies et alias XII marcas a die pasce ad XIIII dies persolvere tenerentur. Nos vero sentenciam ac decisionem dictorum arbitrum^b) ratam et gratam habere cupientes, vendiciones donaciones et omnes alienaciones, quocumque nomine censeantur, secundum quod a supramemoratis bone memorie Diethelmo patre nostro et Kraft, et Diethelmo fratribus nostris et Fantlino^c) milite celebrate noscebantur, firmas et inconvulsas a nobis et heredibus nostris et a nobis descendentibus in manus abbatis dicti monasterii nos perpetuo promisimus habituros. Insuper proprietatem bonorum suprascriptorum, super quibus inter nos et ipsos contencio fuerat exorta, et liberam et vacuam possessionem eorundem cum omni iure et pertinenciis suis, quod nobis et nostris antecessoribus in eisdem competebat, videlicet in pascuis compascuis pratis et nemoribus advocaciis iudiciis et altercacionum decisionibus cultoribus quoque et inquilinis predictarum possessionum, cuiuscumque condicionis libere vel servilis existant, in manus iamdicti abbatis nomine suo et nomine sui conventus resignavimus et tradidimus libere absolute et quiete et sine omni contradictione et inquietacione tam nostri quam cuiuslibet nostri successoris perpetuo possidenda, promittentes bona fide, quod neque per nos neque per aliquos nostros successores ad quevis obsequia indebita et vexaciones illicitas abhinc inantea compellentur homines antedicti. Ut autem presens scriptum maius robur optineat firmitatis, cum appendenciis propriorum sigillorum sigillis venerabilium dominorum nostrorum E. dei gra(cia) Const(anciensis) episcopi¹² et Ber. sancti Galli abbatis¹³ et nobilis viri Lutoldi de Regensperg¹⁴ et viri religiosi Heinr. procuratoris domus de Bu^obikon¹⁵ hospitalis Iherosolimitani et viri discreti Heinrici prepositi Ymbryacensis, qui, cum proprium non haberet, sigillum sui capituli imposuit, presentem paginam petivimus roborari. Acta sunt hec aput Bu^obikon, cum causa sepulture et exequii Gertrudis comitisse de Toggenburg¹⁶ celebrandi convenissemus, presentibus testibus infrascriptis, anno domini M°CC°LX°, ind. III, XI kln. aprilis. Testes autem sunt hii: V^olr. de Hunwile¹⁷ canonicus Ymbriacensis et Conradus eiusdem ecclesie plebanus et Cu^ono plebanus de Jonun¹⁸ canonicus dicte ecclesie et Heinr. plebanus de Hunwile¹⁹, Cu^onr. miles de Emrach²⁰, Ber. miles de Lobio²¹, Fantlinus^c), Jacobus de Bu^ole²², Joh. Pfenli, H. de Buruelden²³, Fridricus de Hertlingen²⁴ milites, frater R. et frater Ber. de Bu^obikon, Berchtoldus de Hettlingen²⁴, Fridricus Boclinus, Burkardus de Hunikon²⁵ et Heinricus filius suus, Ru^odolfus Busch milites et fratres de Bu^obikon, frater Conradus de Nenczelingen²⁶ Cysterciensis, Cu^or. Eckol et frater suus²⁷, Wernherus, Hunolt, Andreas cives de Rappreschwil²⁸, Petrus, Berchtoldus Huselin, V^olr. Hirnli, V^olr. Steinhi^b), V^olricus Costi, Heinr. Elsesser, Ru^odolffus Gespin, Wilhelmus ab Egge²⁹ cives de Vtznach³⁰ et alii quam plures.

Source Fulltext: Chartularium Sangallense III, Nr. 1624, S. 454-456.