In nomine domini amen. Nos Bertholdus dei gratia abbas¹, Manegoldus decanus² totusque conventus monasterii sancti Galli notum facimus || tenore presentium universis, quod nos ad devotam supplicationem Rv^odolfi dicti Giel de Glatteburc³ militis ecclesie nostre ministerialis || curiam dictam im Holze^a)4, quam ipse ab ecclesia nostra iam dicta tenebat in feudum, resignatam ab eodem et omnino liberam recepimus ad || manus nostras eamque monasterio de Maggenowe⁵ Cistertiensis ordinis donavimus pleno iure sub annuo censu dimidie libre cere in perpetuum possidendam. Quem utique censum abbatissa et conventus monasterii predicti singulis annis in festo sancti Galli nostro monasterio persolvere tenebuntur in recognitionem dominii dicte curie a monasterio nostro tracti. Verum memoratus R. miles provide attendens, quod nostra interest indempnitati monasterii nostri precavere sollicitudine diligenti, ne unde aliis proficimus inde nobis deficiamus, obtinuit ab illustri viro comite Hartmanno de Kiburch seniore⁶ donari nobis et ecclesie nostre predium in Hivttewiler⁷, quod predictus miles ab eodem comite tenebat in feudum, in recompensationem scilicet prefate curie im Holze apud nos in perpetuum permansurum, ita tamen, quod ipse miles nobis et ecclesie nostre de ipso predio in Hivttewiler pro iam dicta curia im Holze monasterio de Maggenowe a nobis, ut predictum est, tradita ius fidelitatis et homagii recognoscat. Nec diffitemur, quin predium a prefato comite nobis traditum maioris precii quam curia im Holze existat estimatione prehabita competenti. Ut igitur ea, que premissa sunt, apud posteros robur obtineant firmitatis, nos presentem conscribi cartam et sigillorum nostrorum abbatis scilicet et conventus appensione eam fecimus roborari, dantes eam supradicto monasterio de Maggenowe in testimonium geste rei. Testes etiam, qui premissis interfuerunt, sunt hii: Otto rector ecclesie de Rumanshorn⁸, Rv^odolfus nobilis de Guting(en)⁹, Egilolfus de Altstetin¹⁰, Burch. et Conradus de Einwiler¹¹ fratres, Waltherus de Lindenberc¹² milites, item Conradus, Rv^odolfus et V^olricus filii prefati Gielonis³, Waltherus de Altstetin¹³, Heinricus de Hertinberc¹⁴, Bertoldus Blaser¹⁵, Bertoldus de Lo^vbon¹⁶ et alii plures. Act. apud sanctum Gallum in superiori capella curie abbatis, V. kl. febr. anno domini MCCLXII. indict.V. pontificatus domini Vrbani pape IIII^ti, anno primo.

Source Fulltext: Chartularium Sangallense III, Nr. 1679, S. 489-490.