Omnibus hanc paginam inspecturis nos Albertus Augiensis^a)1 et Bertholdus^b) sancti Galli² dei gratia abbates noticiam rei geste. Mota || questione | inter nobilem virum Reingerum de Vatz³ et religiosos viros Eberhardum abbatem et conventum de Salem⁴ super curia in Sevelt^c)5 || cum omnibus integraliter pos|sessionibus et iuribus ad ipsam et ex ipsa spectantibus nec non et aliis possessionibus et decimis sitis in Steten⁶, in Obern || Steten^d)6, in Rivterswilaer^e)7, in | Baitenhusen⁸, in Tuhtenhusen^f)9, in Braitenbach¹⁰, in Shiwendorf¹¹, in Taisendorf¹², in Cuzenhusen¹³, in Ramsbach¹⁴, in Ober Riedern¹⁵, in Gerboltswilaer¹⁶, in Grasbivrron^g)17, in Hallendorf¹⁸, in Mimmenhusen¹⁹, in Milnhouen²⁰, in V^oldingen²¹, in Stat V^oldingen²², in Kaltenbrunne²³, in Muron²⁴, in Wanzenrivti²⁵, in Meincelshusen^h)26, in Wath²⁷, in Rieth²⁸, in Nusdorf²⁹, in Tisendorf³⁰, in Biernowe³¹, in Tiuingen³², in Râlshouenⁱ⁾³³, in Shaienbuch^k)34, in Regenoltshusen³⁵, in Oetenhusen³⁶, in Richolfberg^l)36 et in Tandingen³⁷, quas dicebat idem Reingerus iure successionis ad ipsum pertinere, monasterio in contrarium asserente huiusmodi possessiones et decimas in ipsum iure tam donationis quam emptionis per viros nobiles Ru^odolfum et Marquardum filium suum³⁸ patrem videlicet iam dicti Reingeri de Vatz translatas fuisse, exhibitis super hiis publicis instrumentis³⁹, in quibus premissa continebantur et in quibus Rudolfus^m) avus suus et Marquardus pater suus iam dicti recognoverunt, quia propria sigilla non habebant, sigillis venerabilis in Christo Volkardi dei gratia quondam Curiensis episcopi⁴⁰, eiusdem quoque capituli nec non prepositi sancti Lucii⁴¹ et Waltheri fratris iam dicti Ru^odolfiⁿ⁾⁴² se usos fuisse, quibus sic propositis et auditis tandem in nos tamquam in^o) arbitratores ab utraque parte exstitit compromissum. Nos vero deliberato consilio attendentes^p), quod laici monasteriis oppido sunt infesti, unde non expedit viris religiosis cum laicis aliquatenus litigare, quoniam timetur, quantumcumque iuris habeant ipsa monasteria, quod ipsis, que mala sunt, in litigiis fiant deteriora, ut igitur, que plana sunt, efficiantur planiora, sic ordinavimus inter partes, ut dictus Reingerus receptis XXX^a. marcis argenti legalis et uno palefrido a monasterio supradicto in omnem contractum habitum inter^q) predecessores suos tam patrem quam avum et patruum et alios, quoquo nomine nuncupentur, prout in instrumentis continetur super hiis confectis, sine qualibet contradictione libere consentiat casu quolibet contingente, renunciando^r) etiam omni iuri, quod habebat vel habere poterat vel habere videbatur in decimis et possessionibus prenotatis. In cuius rei testimonium presentem paginam tam sigillo reverendi in Christo patris et domini nostri Eberhardi dei gratia Constantiensis episcopi⁴³ quam nostris nec non dicti abbatis et conventus de Salem et Reingeri sepedicti de Vatz duximus muniendam. Acta sunt hec aput^s) sanctum Gallum anno domini M°CC°LX°II°. XI° kl. marcii, presentibus subnotatis, videlicet magistro Hermanno de Schaphusa^t)44 canonico Constantiensi, Walthero dicto Lesti plebano sancte Fidis⁴⁵, magistro Andrea de Willenberg⁴⁶, Cu^onr. de Valkenstain⁴⁷, magistro Johanne scolastico^u) sancti Galli⁴⁸ et Ru^operto de Jungingen⁴⁹ clericis, Eberhardo dapifero de Bichelnse⁵⁰, Ru^odolfoⁿ⁾ marscalco de sancto Gallo⁵¹, Hainr. de Meldegge⁵², Egelolfo de Roggewilar⁵³, Eberhardo de Langenhart⁵⁴ et Ottone de Multis⁵⁵ militibus, Alberto de Griesenberg^v)56, Cu^onr. de Obernberg⁵⁷, Cu^onr. de Glotun⁵⁸, Berhtoldo dicto Blaser^w)59, Ru^odolfoⁿ⁾ de Multis⁶⁰, Johanne de Trasendingen⁶¹ et Berhtoldo de Loubun⁶² et aliis quam pluribus probis viris. Nos vero abbas et conventus de Salem in predicta consensimus et nos consensisse profitemur sigillum nostrum presenti cedule appendendo. Ego vero Reingerus recognosco me per presentes litteras in reverendos domnos meos Albertum Augiensem et Bertholdum^b) sancti Galli abbates iam predictos compromisisse, volens grata et rata habere omnia suprascripta ab ipsis tam rationabiliter ordinata, renunciando pro me et heredibus meis insolidum hiis omnibus et singulis supradictis omni iuri legum et canonum beneficio seu etiam auxilio mihi^x) vel ipsis contra contractus premissos, quoquo nomine censentur, vel contra partem adversam competenti vel competituro inposterum quarumlibet consuetudini approbate vel prescripte omni patrie vel terrarum statuto nove seu antique constitutionis beneficio litteris^y) apostolicis super hiis inpetratis vel inpetrandis nec non omnibus aliis, per que premissa possent inpediri, promittendo legalem prestare warandiam, si requisitus fuero, de omnibus supradictis. Profiteor etiam me recepisse XXX^a marcas argenti legalis et unum palefridum, prout ordinatum exstitit per predictos, unde sigillum meum presentibus duxi apponendum. Nos vero Eberhardus dei gratia episcopus Constantiensis ad preces reverendorum in Christo Alberti Augiensis et Bertholdi sancti Galli abbatum sepedictorum nec non ad petitionem partium sigillum nostrum presenti pagine apponi fecimus ad cautelam.

Source Fulltext: Chartularium Sangallense III, Nr. 1680, S. 491-493.