(C) + In nomine sanctae et individuae trinitatis. Chounradus divina favente clementia rex. Omnium fidelium nostrorum tam presentium quam et futurorum piae devotioni + pateat, quod venerabilis abbas monasterii sancti Galli Deitbaldvs^a)1 nomine ad nos venit, nostris obtutibus presentans precepta antecessorum nostrorum imperatorum videlicet augustorum et regum, in quibus || scriptum inveniebatur, qualiter ipsi prescriptum coenobium et res omnes illuc asspicientes sub regias et imperatorias emunitates suae tuitionis suscepissent. Pro rei tamen firmitate petiit celsitudinem nostram, ut nos denuo || id ipsum faceremus. Eius petitoni piae assensum prebentes simulque predecessorum nostrorum constituta sub immunitate sancti loci perpendentes precipimus et statuimus, ut prefatum monasterium ea immunitate subsistat, sicut cartarum textus eidem loco conscriptarum enunciat, ut videlicet monachi in ipso monasterio convenientes secundum regulam sancti Benedicti^b) abbatem inter se eligendi licentiam habeant, et ut idem monasterium cum personis intrinsecus vel forinsecus sibi coherentibus, terris quoque cultis et incultis ad se iuste donative ac legaliter pertinentibus nostro nostrorumque successorum post deum et sanctos eius mancipatui subiectum nullius superioris aut inferioris personae difficultate turbetur aut cuiuscumque preceptionis sive districtionis molestiam patiatur. Sed liceat ipsi abbati sine ullius contradictionis obstaculo monachos suos regulariter regere, familie˛ precipere˛, res monasterii ordinare, intus seu foris omnia iuxta consilii sui provisionem decenter congrue et utiliter gubernare. Negotia etiam cause˛que monasterii, quando necessitas occurrit, per coactum exigantur iuramentum, ipsius monasterii officialibus et advocatis in exigendis circumcirca eiusdem loci rebus ius sibi a nobis concessum habentibus. Igitur, ut predictum est, sub nostre tuitionis immunitate locus prenotatus subsistens ab omni aliene˛ inquisitionis seu exactionis molestia securus permaneat, ut dei servitoribus inibi degentibus pro nobis [et i]mperiic) nostri stabilit[ate sine a]liquac) forinseca inquietudine omnipotenti deo iugiter liceat supplicare. Et ut hoc nostre˛ concessionis preceptum per futuri temporis curricula ratum perseveret, manu nostra illud assignantes sigilli nostri impressione iussimus insigniri.||
+ Signum domni Chounradi (M) regis invictissimi. + ||
+ O^vdalricus cancellarius² vice Aribonis archicapellani³ recognovi. + (S). ||
Anno dominice˛ incarnationis M°XXV. indictione VIII. anno domni Chovnradi^d) secundi regnantis I. Data XIII kl. mai. Actum Augusta.

Source Fulltext: Chartularium Sangallense III, Nr. 875, S. 4.