Quoniam homines mortal(es)^a) misereque condicionis aut moriuntur vel ea, que˛ fecerint, e˛tiam viventes obliviscuntur, nos in futurum precaventes^b) || ea, que˛ nostra auctoritate rata et inmutabilia instituimus, scriptis et sigillo nostro confirmavimus. Notum ergo sit tam presentibus^b) quam futuris, || quod quidam devotus sacerdos nomine Ripertus de pago Nibelguoiensi¹ presbyter^b) e˛ccllesie˛^c), que sita est in vicu^d), qui dicitur Cella², cum communi interven||tu fratrum monasterii sancti Galli et aliorum virorum venerabilium tam clericorum quam laicorum hoc a venerabili abbate eiusdem monasterii Werinhero³ precibus^b) et servitio inpetraverat, quatenus mulierem quandam nomine Wiboradam suosque filios O^vdar. et Adelpertum filiasque Iudentun, Pertun, Mathilta, Coztrut cum omni ipsorum posteritate, quoniam erant de mancipiis supradicte˛ curtis Cello^d), rogante hoc eiusdem curtis vilico Walthero^e) ab omni subiectione^f) et magisterio preter^b) solius abbatis suorumque fratrum absolveret et ne ulli unquam in beneficio tradantur neque in alicuius advocati commissione, nisi sub ipsius monasterii advocato sint. Si quis vero hoc institutum nostrum unquam mutare vel violare cogitaverit^g), sciat quia, nisi desistat, offensam sancti Galli patris nostri incurret. Ego Liutherus^h) m(onachus) scripsi et subscripsi diemque et tempus notavi, anno ab incarnatione domini M.C.XXX°.V. indict. secunda, XII. kalend. decembris, regnante gloriosissimo Romanorum imperatore augusto Lothario III°. Nomina vero testium, qui huic confirmationi interfuerunt, he˛c sunt, fratres monasterii omnes, clerici Reginolth^e), Eberh., O^vdalrich, Walpret, eⁱ⁾ familia Walthere, Chuonr., Gunteram, Hiltebolth^e) suique filii, Chuonr., Ludeuuich, Ruodolf.

Source Fulltext: Chartularium Sangallense III, Nr. 897, S. 20.