+ In nomine sancte˛ et individue trinitatis. Ego Heremannus + dei gratia Constantiensis e˛cclesie˛¹ humilis minister || universitati fidelium in perpetuum. Ad nostre˛ siquidem pontificalis dignitatis excellentiam pertinere non dubium est, ut || e˛cclesiastice˛ possessiones pro virium facultate per eam amplificentur communiantur ac conserventur. Ea propter notum esse volumus tam || instantis quam sequentis temporis fidelibus, quod ego + Heremannus + divina dispositione Constantiensis episcopus future fidelium utilitati providens fratribus sancti Laurentii in loco, qui Ittingen² dicitur, Christo famulantibus ecclesiam, que˛ vocatur Vselingen^a)3 et curam ipsius, sicut a domino papa ex petitione nostra primitus confirmatum est⁴, nos quoque officii nostri auctoritate confirmamus. Decernimus etiam, ut nulli omnino hominum liceat prefatum locum temere perturbare aut eius possessiones auferre vel ablatas retinere minuere aliquove modo fatigare. Si qua ergo in futurum e˛cclesiastica secularisve persona hanc nostre confirmationis paginam sciens contra eam venire temptaverit, bis tertiove commonita nisi presumptionem suam congrua satisfactione correxerit, potestatis honorisque sui careat dignitate^b) reamque se divino iudicio de perpetrata iniquitate^c) cognoscat. Acta sunt autem he˛c anno dominice˛ incarnationis M°.C°.L.IIII°. indictione IIIa. presentibus et astipulantibus Bertoldo preposito⁵, Volcnando decano^d)6, Heinrico, Friderico cum ceteris canonicis. Data per manum Ro^vdolfi Turegensis archidiaconi⁷ tunc temporis eiusdem episcopi notarii.

Source Fulltext: Chartularium Sangallense III, Nr. 912, S. 33.