++ In nomine sancte˛ et individue˛ trinitatis. Heinricus dei gratia Bauarie˛ et Saxonie˛ dux. + Quoniam deo immutabili bonorum omnium auctori || placent omnia bona rata et firmata, credimus et nos placere ei, si in hac parte emulatores eiusdem utcumque fuerimus. Notum ergo esse volumus omibus^a) || tam presentis quam futuri temporis Christi fidelibus, quod nos pro remedio anime nostre et parentum nostrorum ecclesie˛ dei et sancti Laurentii Itingen¹ ex hereditate nostra || et parentum nostrorum constructe˛ libera donatione concessimus, ut quicumque ministerialium nostrorum spiritu bonitatis instinctus, vir sive mulier, eo aliquid allodii sui pro elemosina conferre voluerit, cum beneplacito nostro et permissu id faciat nec ab^b) aliquo nostre˛ partis offensam super hoc sentiat, sed magis nostra propiciatione munitus de benefacto suo gaudeat. Ut autem huius concessionis donatio rata et inconvulsa permaneat, kartam hanc conscribi et sigillo nostro insingniri^a) iussimus, testibus his: Bernardo Hildinisheimensi² vicedomno, Adelgozo Augustensi advocato³, Heinrico de Stoufe⁴, comite Alberto de Werningerode⁵, comite Christiano de Aldenburc⁶, Manegoldo de Odolueswanc⁷, Luppoldo de Hircsb.^c)8, Herimanno mariscalco de Rauenesburc⁹, Meingozo de Ruden¹⁰, Wernero mariscalco, Alberto de Rambreteshouen¹¹ aque^a) aliis quam pluribus liberis et ministerialibus nostris.||
Acta sunt hec Aste¹² civitate Lonbardie˛ rogatu Gelperadi fratris conversi¹³. Anno ab incarnatione domini nostri Iesu Christi M.C.L.V.

Source Fulltext: Chartularium Sangallense III, Nr. 914, S. 34-35.