In nomine sancte˛ et individue˛ trinitatis patris videlicet filii et spiritus sancti. Notum sit omnibus scire volentibus tam presentibus quam etiam futuris, || qualiter ego Ro^vdolfus comes de Rammisperch¹ divina favente providentia cepi agere cum abbate Co^vnrado² et fratribus de monasterio sancti Gregorii pape quod dicitur Petrishusin³, || quatinus mihi concederent tale predium, quale visum est idem monasterium habere in loco qui dicitur Rinisgimunde⁴, quia eadem possessio mihi vicina est et oportuna ad alenda peccora || et homines mei non valebant nec volebant devitare, quin nocerent eis, ac propterea visum est mihi hoc melius et utilius atque cautius et mihi et illis esse, ut ego Ro^vdolfus comes Co^vnrado abbati de Petrishusin et fratribus eiusdem monasterii darem decem talenta Constantiensis monete et ipsi mihi concederent iam dictum predium, quod est apud Rinisgimunde, tantummodo quoad viverem ego, ea scilicet conditione, ut ipsi ob memoriam et confirmationem huius pacti anniversarium matris mee Adilheide⁵ cum fratribus suis defunctis annotarent et ce˛lebrarent . . .^a) et ego ipsa die fratribus^b) de meo facerem propinare vinum singulis annis quoad viverem, et hoc pro tributo et memoria presentis conditionis. Post obitum vero meum nullus omnino heredium meorum qualemcumque potestatem habeat in eadem possessione vel in omnibus, que˛ tunc inventa fuerint in ea, tam in pecudibus quam in aliis suppellectilibus vel in qualicumque substantia, sed abbas, qui tunc fuerit presidens monasterio Petrishusensi, et fratres eiusdem loci ex integro totum absque ulla contradictione possideant pro remedio anime˛ mee˛ et matris mee˛ et omnium parentum meorum. Et ego Ro^vdolfus testamentum hoc^c) conscribi precepi ea scilicet ratione, ut nullus ex heredibus meis hoc pactum meum infringere vel predictam peccuniam exigere aut fratres in predio isto ullo modo inquietare presumat vel ante vel post obitum meum. Acta sunt autem he˛c anno incarnationis domini M°.C°.LX°.III°. regnante Friderico imperatore, Herimanno Constantiensi episcopo⁶, sub abbate Co^vnrado². Et ego Ro^vdolfus, ne facultas contradictionis vel ambiguitatis ex antiquitate temporis super hoc predio posteris daretur, privilegium istud sigillo meo signare precepi. Testes huius actionis uxor mea Elisabeth et frater meus Arnoldus⁷, Adilbertus comes⁸, Ro^vdolfus de Gutingin⁹, Ro^vpertus de Turingin¹⁰ Adilbertus presbyter de Tale¹¹, Diemo de Brigantia¹², Arnolt de Criessa¹³, Bertoldus de Lustino^vwa¹⁴ et alii multi. Ego Gebehardus presbyter manu mea scripsi hoc privilegium anno primo Gebehardi abbatis¹⁵, feliciter amen.

Source Fulltext: Chartularium Sangallense III, Nr. 923, S. 42-43.