Iudices sancte Moguntine sedis dilectis in Christo abbati in Capella¹ Cisterciensis ordinis et preposito in Zurego² salutem et dilectionem || in domino. Cum causa, que inter abbatissam de Zurego³ ex parte una et Vlricum comitem⁴ et nobilem Rudolfum de Ra||prechteswil(ere)⁵ ex altera vertebatur^a) super patronatu ecclesie in Rumelanc⁶ et iure alternatim presentandi, ad sedem Moguntinam esset || per appellacionem translata, partibus in presencia nostra per procuratores constitutis, allegatis hinc inde aliquibus, ut nude exquireretur de veritate, abbati de Salem⁷ et preposito in Scussenreit^b)8 cognicionem cause et allegacionum audicionem cum attestacionum receptione commisimus. Qui diligenter hec omnia peragentes, allegaciones cum attestacionibus et partes, diffinitoriam nobis reservantes, sicut eisdem mandaveramus, nobis remiserunt. Qui dum comparuerunt, clericus procurator abbatisse suas allegaciones cum attestacionibus clausis nobis presentavit, pars altera suas nobis eas petentibus eas supprimendo noluit presentare, et, ne alterius partis^c) presentatas^d) aperriremus^e), appellavit, dicens super possessione se non esse auditam. In litteris vero auditorum receperamus, quod, cum partes iudicio eorum se exhiberent, comes dictus proprietarius presente feodetario ecclesie supradicte sibi litem assumpsit de patronatu feodetario consentiente et non contradicente. Adiectum quoque erat in litteris eisdem, quod post multas allegaciones est ex utraque parte eis renunciatum et accessum ad testium produxiones^e), quibus ex utraque parte productis testium similiter produxioni^e) hinc inde renunciarunt. Unde hiis intellectis per litteras, sicut diximus, auditorum appellacioni non detulimus, verumtamen, ut preporere^f) non videremur procedere, secundo ab auditoribus super renuntiacione allegacionum et attestacionum informari cupivimus. Qui suis litteris nobis remissis pleniter nos instruentes dixerunt de predictis idem quod superius, scilicet quod allegacionibus et attestacionibus partibus presentibus feodetario non contradicente utrimque fuerit renunciatum et pars utraque ipsas scriptas ab eis recepissent. Cum ergo easdem nobis sub sigillis clausas^g) transmissas perspicaciter examinassemus, quia pars altera in causa diffidens suas nobis non presentavit, et cum invenissemus abbatissam in ecclesia predicta, sicut per privilegium et per testes fuerat sufficienter probatum, ius habere presentandi alternatim, diffinitoriam dantes sententiam ipsum ius ei adiudicavimus et clerico suo Henrico latori presentium, quem ipsa ad eandem ecclesiam presentat, possessionem similimodo adiudicavimus⁹, vobis autoritatate^e) sedis Moguntine mandantes firmiter, quatenus^h) ipsum clericum in corporalem ecclesie eiusdem ducatis possessionem, contradicentes autem, qui comparuerint, et iniuste gravantes per ecclesiasticam sensuram^e) predicta auctoritate compescatis, ipsum quoque in possessionem missum usquaque^e) defendatis.

Source Fulltext: Chartularium Sangallense III, Nr. 988, S. 85-86.