In nomine domini. Iudices sancte Moguntine sedis, quum^a) in causa, que vertebatur inter abbatissam de Zurero^b)1 ex parte una et Vlricum || comitem de Quiburg² et Rudolfum nobilem de Raprehcteswilere³ feodetario eius ex altera super patronatu ecclesie in Rumelanc⁴ || et iure presentandi alternatim, iudices, quos eiusdem cause et et^c) utriusque partis allegacionum auditores et attestacionum || receptores diffinitoria nobis reservanda constituimus, partes cum attestacionibus et allegacionibus, quibus pars utraque coram eisdem renuntiavit, ad nos remiserunt, et quia procurator predictorum videlicet comitis et R. nobilis suas nobis attestaciones, quas se ab auditoribus^d) coram nobis recepisse fatebatur, noluit presentare et, ne alterius partis attestaciones nobis presentatas^e) aperrientur^f), appellavit, appellacioni non deferentes dicte abbatisse ius presentandi alternatim in ecclesia supradicta, sicut per privilegium et per testes probatum est, per sententiam adiudicamus et clerico Henrico presentium latori, quem ipsa abbatissa ad ecclesiam eandem presentavit, possessionem eiusdem adiudicamus, auctoritate sedis Moguntine sub excommunicacione precipientes^g), ne aliquis hominum contra iusticiam in sua possessione et iure vel abbatissam vel clericum presentatum molestare presumat. Actum est anno domini M°.C°C°. decimo, tercio decimo anno pontificatus domini Innocentii pape tercii, presidnte^h) sancte sedi Moguntine domino Sifrido venerabili archiepiscopo⁵, et est factum in claustro sancti Martini⁶ proxima sexta feria post festum Killiani.

Source Fulltext: Chartularium Sangallense III, Nr. 987, S. 84-85.