Reverendo domino suo Ber. dei gratia abbati sancti Galli¹ Waltherus miles de Eschibach et Johannes de Snabelburg^a) nobiles reverentiam et fidelitatem debitam cum promptissimo famulatu. Dominationi vestre tenore presentium significamus, quod cum vir discretus C. miles de Heidegge curiam sitam in Warinbach^b), cui ius attenet^c) patronatus ecclesie eiusdem ville, cum omnibus suis iuribus et attinentiis pleno iure tytulo^d) pignoris obligatam^e) habuisset per socerum suum Werherum^f) quondam de Sto^vphen militem pro LXX marcis argenti, quas eidem in dotem dedit cum filia sua eidem matrimonialiter copulata, iam dictus C. intendens curtem eamdem^g) transferre ad magistrum ordinis sancte domus hospitalis Jerosolimitani et fratres domus eiusdem ordinis site extra muros oppidi de Rinvelden^h)2, aliquibus exceptis, que vobis commode nominabit, sciensque quod dicta translatio sine auctoritate et consensu vestro et conventus monasterii vestri, ad quos nuda pertinet proprietas, fieri aliquatenus non valeret, procuravit, ut Gotfridusⁱ⁾ miles senior de Stophen frater uxoris sue, cui in divisione hereditatis paterne idem feodum cessit, nobis resignaret. Dictus igitur Gotfridusⁱ⁾ sue petitioni^k) acquiescens prenominatam curtim in Warenbach^b) cum iure patronatus et omnibus suis attinentiis et iuribus libere et absolute in manus nostras resignavit³, recepta reconpensatione eiusdem feodi nobis facta per sepe memoratum G. in duabus curtibus suis sitis in Eschbach⁴. Ut igitur propositum pium viri providi effectui debito mancipetur, prenotatum feodum in Warenbach^b) nobis per sepius dictum G. libere cum omni iure videlicet iure patronatus et omnibus iuribus eidem curti attinentibus^l) liberis vel feodalibus et generaliter omnibus attinentiis suis nobis resignatum in manus vestras per presentes cum pleno iure, in quantum ad nos communiter pertinet, prout iam resignatum accepimus, sollempniter resignamus, petentes attentissime, ut super eodem feodo petitioni^k) sepefati C. de Heidegge satisfacere dignemini, cum et ipse utilitatem communem vestram scilicet et suam procurare laboret. Qui licet generaliter dictum feodum in alios transferre conetur, vobis tamen in ipso feodo talem profectum procurat, qui satis compensari possit gratie, quam sibi vestra dominatio duxerit faciendam, scientes quod curtim in Otlikon^m)5 cum omnibus suis attinentiis, que dicte curti in Warinbach^b) adherebat, nobis retinemus in resignatione suprascripta, quam vobis non resignamus, volentes eandem tenere cum aliis nostris feodis, que a vestro monasterio cum progenitoribus nostris hactenus possedimus et vestri gratia dante domino possidebimus tempore succedenti. Datum apud Sliengenⁿ⁾⁶, anno domini M°.CC°.LX°.IX°.^o inditione X^a.III^a.^p)

Source Fulltext: Chartularium Sangallense IV, Nr. 1843, S. 54-55.