V^olricus dei gratia abbas¹, Albertus prepositus² necnon conventus monasterii sancti Galli universis Christiane fidei professoribus presentibus et futuris, ad quos presens instrumentum contigerit || devenire, affectum caritatis cum noticia rei geste. Quia memorie labilitas, que in hominibus consistit, plerumque parit discordiam, nonnumquam etiam litigia generat et errores inducit, || idcirco expediens visum est, ut ea, que inter homines actitantur longevo tempore duratura, scripturarum testimonio cum subscriptionibus testium transmittantur ad noticiam futurorum, ne per huiusmodi || labilitatem memorie erroris materia in posterum suscitetur. Noverint ergo^a) universaliter singuli et singulariter universi, quos nosse fuerit oportunum, quod venerabiles in Christo abbatissa et conventus cenobii de Maggenowe³ Constantiensis dyocesis curtem, que vocatur Schoranshv^oba⁴, apud Breitenuelt⁵ sitam cum omnibus suis attinenciis a Beldino dicto Schoran legittime emptam et conparatam, qui eandem curtem a nostro monasterio iure feodi possidebat, a nobis pro annuo censu videlicet libra cere ad lumen monasterii nostri annis singulis persolvenda, precedente resignatione per ipsum Beldinum in manus nostras facta, receperunt iure^b) pleno perpetuo possidendam, eidem vero Beldino antedicte abbatissa et conventus curtem suam in Bvron⁶ et decimam suam in Soruntal⁷ sitas, quas idem cenobium iure feodi censualis a nostro monasterio possidebat, in reconpensationem et commutationem loco et nomine precii per manum nostram tradiderunt et assignaverunt libere et expresse iure feodali cum omnibus eius attinenciis de cetero a nostro monasterio possidendas. Ordinaverunt etiam abbatissa et conventus predicte, quod libra cere, que de curte antedicta de Bvron ad lumen monasterii nostri annis singulis solvebatur, de prefata curte sua, que dicitur Schoranshv^oba, persolvatur deinceps. Preterea ne monasterium nostrum in hac commutatione seu recompensatione feodorum deceptum vel predictum cenobium de Maggenowe lucrosum ultra debitum videantur, memorate abbatissa et conventus curtem suam dictam Welfersberch⁸ ad ipsas proprietatis iure pertinentem cum omnibus eius attinenciis deliberato consilio et unanimi consensu in manus nostras resignaverunt libere et expresse, ita videlicet, ut eadem curtis a monasterio nostro sicut et alia feoda monasterii, quotiens vacare contigerit, cuicumque in feodum de cetero concedatur. Omnibus autem et singulis, que predicta sunt, nostrum expressum consensum prebuimus presentibus et prebemus et ad ratihabitionem eorum nos et nostros successores obligamus et astringimus per presentes. Sane ad plenariam confirmationem eorum, que preordinata sunt, renunciatum est utrimque omni actioni, exceptioni iure vel non iure competenti, repetitioni, in integrum restitutioni, iuri scripto et non scripto, exceptioni etiam doli mali, edicto edito vel edendo, omni favori legum et canonum et breviter omnibus, per que vel per quod ea, que preis missa sunt, plenum, ut dictum est, non sortirentur effectum. Dat. apud sanctum Gallum anno domini M°.CC°.LXX°.V°. proximo sabbato post festum nativitatis beate virginis, indict. III^a. presentibus quorum hec sunt nomina: Rv^odolfus et Diethelmus de Gvttingen⁹, V^olricus de Ramswâch¹⁰, Chv^onradus de Annewile¹¹ milites, Johannes de Sturcenekke¹², Wezzelo villicus de Obernberch¹³, V^olricus Lesti, Hugo dictus Fe^oli¹⁴, Berchtoldus Spitaler, Chv^onradus dictus Bovngarter, Egilolfus filius fabri de Gvmanswile¹⁵, frater Waltherus de Holunstain¹⁶, frater Chv^onradus dictus Cimberman, frater Heinricus de Gôsowe¹⁷ et alii quamplures fidedigni. Et in huius rei testimonium presens instrumentum sigillorum nostrorum munimine duximus reborandum^c).

Source Fulltext: Chartularium Sangallense IV, Nr. 1956, S. 132-133.