Universis presentes litteras inspecturis . . divina dementia humilis abbatissa totusque conventus monasterii in || Maggno^vwe¹ ordinis Cystertiensis Constantiensis dyocesis salutem cum noticia subscriptorum. Ne contractus bone fidei legitime || initi et etiam consumati, maxime autem inter personas ecclesiasticas, per lapsum temporis a memoria hominum elabantur, sed pocius perpetuo || stabiles perseverent, cautum est, ut scripturarum testimonio perhennentur. Sciant igitur tam posteri quam presentes, quod nos communi deliberatione habita et sollempni tractatu premisso, qui in alienationibus rerum ecclesiasticarum requiritur, utilitate monasterii nostri pensata ad relevanda onera debitorum, in quibus tenebamur pro possessionibus alibi comparatis et in locis comodioribus nobis sitis videlicet curia dicta Bûrch² sita prope Nunfron³, que quondam fuerat nobilis domine Anne de Turberch⁴, nunc vero in monasterium nostrum translata, curiam nostram et bona nostra dicta vf dem Harde⁵ in parrochia Winvelden⁶ sita in agris, pratis, campis, silvis, pascuis, nemoribus, aquis, domibus, ortis, arboribus, vineis, censibus et iuribus ac aliis pertinentiis quibuscumque iure proprietatis et dominii vel quasi ibidem nobis pertinentibus et generaliter cum omni honore, iurisdictione atque districtu vendidimus et tradidimus liberas et ab omni exactione seculari immunia dilectis in Christo magistro Hainr. de Capella⁷ et Hainr. de Denchingen⁸ canonicis ecclesie sancti Johannis Constant(iensis)⁹ et utrique eorum in solidum pro summa decem et Septem marcarum puri et legalis argenti ponderis Constant(iensis), quas etiam marcas totaliter nobis presentibus recognoscimus persolutas et in usus monasterii nostri, ut dictum est, utiliter esse conversas, promittentes bona fide, tam de ipsis bonis quoad libertatem quam etiam de redditibus eorundem videlicet quatuor modiorum tritici et octo modiorum avene mensure Constantiensis et viginti quatuor solidorum Constantiensium, exceptis pullis et ovis et aliis serviciis conpetentibus, ad perpetuam warandiam nos teneri. Ipsosque in possessionem dictorum bonorum legitime adeptorum mittimus per presentes, ut ipsi ex nunc pro voluntatis sue beneplacito de ipsis bonis ordinent et disponant libere, quicquid eis visum fuerit expedire. Renuntiamus etiam pro nobis nostrisque successoribus omni iuris auxilio canonici et civilis, consuetudini, exceptionibus pecunie non numerate et fori, privilegiis, litteris apostolicis inpetratis et etiam inpetrandis, quibuscumque aliis exceptionibus, defensionibus, per quod vel per quas predictis H. et H. contra ea, que premissa sunt, posset aliquod dampnum, preiudicium, periculum seu vexatio aliqua prevenire. Ut autem ea, que premissa sunt, perpetuo maneant inconfulsa^a), presentes litteras prefatis H. et H. damus sigillorum reverendi patris domini nostri R. dei gratia Constantiensis episcopi¹⁰ et capituli eiusdem ecclesie necnon domini . . abbatis de Wettingen¹¹, cui inmediate subsumus, et nostre . . abbatisse, quo et nos conventus usi sumus in hac parte, communitas robore in testimonium omnium premissorum. Nos R. dei gratia episcopus, capitulum, abbas predicti sigilla nostra rogatu partium presentibus litteris appendimus in testimonium predictorum et specialiter consensus nostri super hoc adhibiti ad evidentiam pleniorem. Acta sunt hec Constantie per fratres nostri monasterii procuratores a nobis suis per hoc constitutos videlicet fratrem C. dictum Giel¹² et fratrem Wal. de Holnstain¹³ cum H. et H. principalibus personis, presentibus Erlwino plebano¹⁴, Walt. de Lobegge¹⁵, Walt. Schambeliero canonicis ecclesie sancti Johannis Constantiensis, V^oI. dicto Giel¹⁶, . . dicto de Lindenberch¹⁷ et H. dicto Spizen militibus, H. de Tettinkouen¹⁸, . . dicto Hôwer civibus Constantiensibus et aliis quam pluribus fidedignis, X. kl. decembr. anno domini M°.CC°.LXX°V°. indictione quarta.

Source Fulltext: Chartularium Sangallense IV, Nr. 1958, S. 134-135.