Universis presentium^a) inspectoribus ego Diethelmus comes iunior dictus de Tokkenburg noticiam subscriptorum. Quoniam circa ea, in quibus maius vertitur et verti potest periculum, cautius est agendum, || hinc est, quod ego novissima mea pre oculis habens et hoc dictum apostoli, qui seminat in lacrimis, in gaudio metet, vitam scilicet eternam, devota mente adtentius adtendens in salutem et re||medium animarum mei videlicet et omnium parentum meorum donavi sacre domui Ierosolimitane in Tobel omnia bona mea propria et universa quecumque alia ad me spectantia, precipue homines et cetera bona mea || sita niderthalp Gunzenbach, item ius patronatus ecclesiarum in Merewilr et in Tuffenbrunnen cum omnibus iuribus et adtinentiis suis necnon generaliter omnia tam mobilia quam immobilia, que ad me quocumque titulo spectabant vel spectare poterant, libere et absolute fratribus predicte domus perpetuo possidenda, resignans in manus ven(erandi) in Christo fratris H. dieti de Liehtensteige¹ commendatoris domus eiusdem et vicem tunc temporis magistri insuperiori Alem(ania) gerentis bona predicta cum omnibus iuribus eorum, quoad proprietatem et usufructum, adiciens et promittens bona fide de ceteris bonis feodalibus adhuc habitis unâ cum prelibatis prefate domui donacione inter vivos traditis me nichil omnino nisi commendatoris et fratrum, qui pro tempore fuerint, ad id requisito et habito consilio et consensu nunc vel in posterum perpetraturum. Ad que singula et universa secundum formam prehabitam omni legalitate et stipulatione, qua debui et debeo, presenti me instrumento vera fide me obligavi et obligo observanda. Hec acta sunt anno domini M°.CC°.LXX°.V°I°. in die Stephani in domo dicta Bůbenkon presentibus domino Her. de Bonstetten Turgowie vicelantgrauio, domino V^oI. de Rusekke et domino H. de Sêhen militibus, item Nych. de Ottinkon nobile, . . marscalco, Jac. de Rampach et H. fratre suo necnon Rv^o. de Wagen civibus de Raprehtswilr, item V^ol. de Wezzinkon et ceteris quampluribus personis honestis et fidedignis. Preterea tenore presentium profiteor et universos, quos novisse ac nosce fuerit oportunum, scire cupio, quod dilecta in deo domina Elyzabeth mater mea² per manum et consensum meum plenum et expressum similiter prefate domui dotem suam Rôtenflůch³ cum hominibus et omnibus suis appendiciis et iuribus, item omnes suas pensiones, que vulgariter dicuntur lipgedinge necnon cetera bona sua universa, que eam contingebant, ea in manus predicti commendatoris resignando libere contulit et donavit. Acta vero hec in die Hylarii anni item domini Mⁱ.CCⁱ.LXXⁱ.VIⁱ. presentibus domino Eber. de Michelnsê⁴, domino Wezzelone de Blîdegge⁵, domino H. de Sehen militibus et ceteris iterum personis fidedignis publico in iudicio in Frowenvelt⁶ presidente ibidem domino Her. de Bonstetten Turgowie vicelantgrauio. In predictorum igitur omnium evidentiam sigillum meum unâ cum sigillis testium propria habentium duxi presentibus appendendum. Nos testes prescripti rogatu prefati nobilis D. de Tokkenburg sigilla nostra, qui habemus propria, in testimonium premissorum, quibus interfuimus, duximus presentibus adpendenda. Nos vero, qui propria non habemus, sigillis contestium nostrorum contenti sumus in hac parte.

Source Fulltext: Chartularium Sangallense IV, Nr. 1965, S. 139-140.