In dem namen des vaters vnd^a) des svnes vnd des heiligen geistis amen. Ich Diethelm von Tog||ginbvrch¹ chivnde allen den^b) disen brief sehint alder ho^erint lesin, dc ich ane gesehin habe dc chvnf||tige zit der ewigen vro^eden vnd han dvr miner sele vnd miner vorderen dem hvse ze Tobil² vnd den || bro^vdern von dem spital ze Ierusalem gegeben^c) allis min eigin, dez sigen livte alder go^vt, niderthalp Gvnzinbach³ vnd die zwene kilchvn seizze mit allem deme rehte, so dir zo^v ho^erit, ze Meirwille⁴ vnd ze Tivnbrvnnen⁵, dar zo^v lopt ich den vor genanten bro^vdern mit go^vten trvwon vnd scwor ins mit gelerten Worten ze den heiligon, dc ich mit allen minen man lehin teite alliz, des siv der mitte bedorftin vnd mich hiesin, vnd niht anderz. Dar zo^v wc ich scvldich vnd solte gelten ze Kostinze⁶ vnd ze Wintertvre⁷, vnd wc des ein teil vf min eit, do ko^vfton mir o^vch die selbin bro^vdir gewant^d) vnd haton o^vch andirz koste vnd scaden mit mir vnd von min scvlden, dc sich div givlte vnd div koste mit rehter rechnvnge an zwei vnd fivnzich phvnt Kostinzeirre gezoh, vnd wan ich dem selben hvse ze Tobile vnd den bro^vdern gegebin hate Heitno^vwe⁸ vnd allis, dc ich da hatte, vnd den hof ze Obrahvsen⁹ vnd eine sco^vpoze dir bi vnd ein stvchi geltes ime Riete¹⁰ vnd siv de in gewer vnd in gewalt haton, do gvlten siv fivr^e) mich vnd koste namen si vber sich vmbe div vor genemten go^vtir, dc inen div ewekliehe belibin noh ich noh enchein min erbe niemer enkein anesprache gewinnen svn^f) mit weltlichem noh mit geiselichem gerihte noh mit enkeiner anesprache. Vnd dc dis allis steite belibe, als ez mit scrift hie vor besceiden ist, darvnbe so gab ich disen gegenwrtigen brief den vor genemten bro^vdern gevestinet mit mime insygele vnd mit hern Hermanes von Bonsteten¹¹, der lant rihter ze Tvrgo^v ist. Diz bescah ze Bo^vbinchon¹² in der mervn stvbvn an sante Stephans tage, do nah gotis gebivrte wc tvsint vnd zwei hvndirt vnd sibenzech vnd sehz iar, ze geginwrti herne^g) Hermannes von Bo^vnsteten, herne V^oI. von Rivsegge¹³, hern Hein, von Sehein¹⁴ der ritere, Niclav. von^h) Ottinchon¹⁵, . . dem marscalche von Raphehtscwille¹⁶, Ja. von Rambach vnd H. sime bro^vdere¹⁷, V^oI. von Wezinchon¹⁸, Ro^vdolf von Wagin¹⁹ vnd den bro^vdern des selbin hvsiz, die ich alle vber dise vor genemten sache ze gezivge gibe.

Source Fulltext: Chartularium Sangallense IV, Nr. 1962, S. 137.