In dem namen vnsers herren. So si kvnt allen den, die disen brief horren lesen, daz fro R. || hern Lvdiwiges fro^vwe von Brashberg¹ hat gegeben vnd iriv chint mit ir wirtes gvnst hern || Lvdewiges iro eigen, daz da heizet ze dem Willer ime Rîet², an den spital ze sante^a) Gallen dem || heiligen geiste³. Vnde swenne diz selbe gv^ot ze bo^vwe wirt braht, so sol der spital dirre vor genander fro^vwen alle iaerlichen geben zehen Schillinge Costenzerre phennigge vnz an ir tot, ob sis nemen wil, vnd swenne si irstirbet, so sint dem spitale die phennigge ledich. Diz geschach in der stat ze Wangen⁴, do man zalte von vnsers herren gebvrtlichem tage tvsent iare vnde zeweihvndert iare vnde sibench iare vnde in dem sibendem iare. Disses sint gezvge herre Iohannes O^vgeli⁵ an dem margte vnd her Egelolf der Mvnser⁶ vnd her Jacob vnd her Henrich die Blarrer⁷. An disen brief so hat gehenchet div frowe von Brashberg ir insigel vnde ir wirts hern Lvdewiges vnd ir svn her Swiger der Tvmbe⁸ sin insigel ze eime gezvge vnd ze einer staste iemer mê. Amen.

Source Fulltext: Chartularium Sangallense IV, Nr. 2005, S. 175.