In^a) nomine domini amen. Universis Christi fidelibus hanc paginam inspecturis Rv^om dei gratia abbas¹ totusque || conventus monasterii sancti Galli fidem adhibere subscriptis. Noverint universi, quos nosce fuerit oportunum, quod cum venerabiles in Christo || abbatissa et conventus monasterii in Veltpach² curiam dictam Tivschain³, quam a nobis et nostro monasterio pro annuo censu videlicet di||midio fertone cere possederant illuc usque, ad manus nostras libere resignassent, nos ipsis ac monasterio earundem recompensationem quantulamcumque facere cupientes, pratum quoddam situm apud Hermoltshvsen⁴, quod eedem ab Eberhardo dicto Snabel pro duabus libris et quinque solidis Constantiensis monete compararunt, qui dictum pratum a nobili viro V^olrico dicto von der Altvn Clingen⁵ iure tenuerat feodali, cuius proprietas nostro monasterio noscitur pertinere, post resignationes debitas ad man[us]^b) nostras rationabiliter factas sub predicto censu ipsis et monasterio earundem prefatum pratum tradidimus presentibus et dona[vimus]^b) libere et quiete iure perpetuo possidendum. In cuius rei testimonium presentem litteram conscriptam fecimus sigillorum nostr[i et]^b) conventus ac predicti V^oI. nobilis munimine roborari, renuntiantes nomine monasterii nostri omni iuris auxilio ne[c]non^b) generaliter omnibus, per que posset predictis abbatisse et conventui super premissis calumpnia generari. Acta sun[t]^b) hec apud Sandegge⁶ anno domini M°.CC°.LXX°VII°. indictione V^a. X°. kl. septemb. coram testibus subnotatis vide[licet]^b) domino Alberto abbate Avgensi⁷, Bertoldo nobili de Valchenstain⁸, Eberhardo de Bichelnse⁹, Rv^odolfo et Egelolfo fratribus de Roschach¹⁰, Bvrchardo de Salvstain¹¹ et aliis quam pluribus probis viris.

Source Fulltext: Chartularium Sangallense IV, Nr. 1994, S. 163.