In nomine domini amen. Rv^omo miseratione divina abbas¹ monasterii sancti Galli . . totusque conventus eiusdem loci ordinis sancti Benedicti Constantiensis || dyocesis universis presentium inspectoribus notitiam subscriptorum. Quoniam dictis seu gestis hominum dignis memoria insidiosa novercari solet oblivio et ipsorum statum || studet denigrare, ea que geruntur in tempore, ne simul recedant cum tempore, litterarum solent firmamine perhennari. Ad perpetuam igitur rei geste memoriam noverint uni||versi tam presentes quam posteri, quod nos curtim nostram apud Bazzenhaide superiorem² singulis annis viginti Septem frustra^a) solventem, quam Albertus de Bussenanch miles et Rudolfus³ filius suus necnon Hainricus de Griezinberc⁴ nobiles a nobis in feodum tenuerunt, resignatione predicte curtis ab ipsis ad manus nostras nobis facta tradidimus et concessimus venerabilibus in Christo commendatori et fratribus sacre domus hospitalis Jerosolimitan(i) in Tobeln⁵ iure feodatario et in feodum libere in perpetuam emphyteosim videlicet sub annuo censu unius libre dimidie cere, scilicet quam iidem commendator et fratres domus predicte, qui pro tempore fuerint, annutim^b) nobis persolvent, quiete et pacifice possidendam. Verum cum Hainricus senior de Haitenowe, Johannes et Hain. filii sui⁶ proprietatem sitam in Tvnnental⁷ ad manus nostras libere resignarint et eam per nos conferri petierint V^olrico dicto Birbinger, prefatus vero Birbinger eandem proprietatem postmodum resignatione ad manus nostras nobis facta Ebirhardo per nos conferri libere postulavit dicto de Seliv⁸, qui iamdictam proprietatem postmodum commendatori et fratribus vendidit pro octo libris denariorum Constantiensium, quibus eandem proprietatem ad petitionem ipsius Eber. de Seliv nomine feodi, quod vulgariter dicitur cinslehin, contulimus perpetuo possidendam, expedita recognitione dominii cum predicta dimidia libre^c) cere superius annotata, renuntiantes nichilominus circa premissa pro nobis nostrisque successoribus universis omni iuris auxilio tam canonici quam civilis, beneficio restitutionis in integrum, litteris a sede apostolica aut aliunde impetratis vel etiam impetrandis et generaliter omni auxilio, quo mediante^d) ea, que premissa sunt, vel eorum quodcumque possent imposterum quovis ingenio violari. In cuius rei testimonium et omnium premissorum instrumento presenti unâ cum sigillo nostri conventus appendimus sigillum nostrum. Datum apud sanctum Gallum, anno domini M°CC°LXX°VII°. idus decembr. indictione VI^a. Presentibus reverendo in Christo domino AI. abbati^e) Augie maioris⁹, nobilibus viris dominis C. de Sto^ephiln canonico Argentinensi¹⁰, Rud. et H. de Guttingen¹¹, R. et V^oI. filio suo Gielonibus de Glatteburch¹², Egel. de Altsteten¹³, Eber. de Bichilnse¹⁴, Hain. de Hunzichon¹⁵ et C. dicto Sporer et aliis quampluribus.

Source Fulltext: Chartularium Sangallense IV, Nr. 2001, S. 169-170.