Wir Rv^omo von gottis gnadon abbet ze sante Gallen¹ kivnden allen den, die disen briefh ansehent alt ho^erint lesen, vnsirn || griv^oz vnd^a) ain gelo^vsami^b) der dinge, div an disem briefh gescriben stant. Swas lange weren sol, dc bedarf wol, dc man dc mit || brieuen vnd mit gezvgin ewieliche bestaete. Wir tuien kvnt allen, die disen briefh lesent alt ho^erint lesen, dc vro^v Engil||burch div abtissinne vnd alle der conuent von Maggeno^vwe² vf gegebin hant vnsirme gottishuse ze sante Gallen ainen hof ze A^eslikon³, der was vriges aigen vnd giltit XVII stukke, den selbin hof hat Hainr. der maier von Lo^vchino^vwe⁴ enphangin ze rehtem lehen von vns vnd vnsirme gotishuse. Vnd wider dem houe, der da vor genemmit ist, so ist dem closter ze Maggeno^vwe von vnsirme gotishuse ze wider wehsil gegebin ain gv^etili ze Winzinberch⁵, dc wart gek^vfit vmbe Rv^odolfin den Herren von Winzinberch, des lehen wc dc selbe gv^etili von dem von Elgv^o6, vnd des lehen wc es von vnsirme gotishuse. Vnd gab es der von Elgv^o vf abbit Bertolde⁷ saeligun^c) vnsirme vor varn, vnd enphienc es Eber. von Lo^vmeise⁸, vnd trv^oc der dc lehen dem closter ze Maggeno^vwe alle die wile, vnz dc der von Gutingin⁹ herre wc. Vnd do Hainr. der maier von Lo^vchino^vwe den hof ze A^eschelikon enphienc von vns, ze der selbin stvnt gab o^vch Eber. von Lomeise dc lehen vf, dc beschach ze Rosinburch¹⁰. Vnd dc der wider wehsei volle fv^erit wrde wider dem houe ze A^eschelikon, do wart o^vch dem convent ze Maggeno^vwe gegebin ain gv^ot ze Altriswile¹¹, de co^vften die vrowen von Maggeno^vwe vmbe Hainr. von Glattenburch¹², der hatte es von den Gielen von Glatteburch ze lehen, der aigen was dc selbe gv^ot, dc gab herre V^olr. der Giel¹³ vf abbit Rv^ome an vnsir hant fur sich, fur Hainr. sinen brv^eder¹⁴ vnd fur alle sine bru^eder svne. Dc beschach vor vns ze sante Gallen, vnd an der selben stat enphienc es dv abtissinne von Maggeno^vwe ir closter ze vrigem eigen, beidv dc gv^ot ze Winzinberch vnd ze Altriswile. Vnd sol man wizsen, dc dv beidv aines stuchis minre geltent danne der hof ze A^eschilikon. Vnd dc^d) dis staete vnd ganz belibe, so henken wir abbit Rv^omo vnsir ingesigil an disen geginwrtigin briefh. Dis geschach ze sante Gallen in vnsirre kamere, an dem tvnrrestage, do vnsir vro^vwen hineuerte octaua was, ze geginwrte hern V^olr. dem Giele, § V^olr. Lestin, § Hugin Vo^elin, § Johanse pfrivnder ze sante Leonarde¹⁵ vnd brv^oder Hainr. von Gozo^vwe¹⁶ vnd ander êrber livte gnv^oge^e). Dis geschach, do von vnsirs herren Iesu Christi geburtlichin tage waren tvsint zwai hundirt jâr vnd âhzic jâr, in der ahtodvn indictivn, XI. kl. septembr.

Source Fulltext: Chartularium Sangallense IV, Nr. 2052, S. 217-218.