In dem namen vnsurs herrun amen. Ich E. du ebtissunna vnde alle der conuent || von Magenowe¹ kunden allen dien, die disun briefh lesunt alder hor||rent lesun, daz wir mit gemeinum rate frowan vnde brůder gegebun || hein ze cho^vfunne vnsurn hofh ze Hewnhozh² mit allem rehte wr ein lidich gůt vnde un an sprechiges vnde wr rihtes^a) von sante Gallen der abtissinnun vnde dem conuent von Tennincon³. Daz dis ein warheit si, des wir hie von wr gehen hein, des ist gezug der lupriester von Bichulnse⁴ vnde Eber. von Lo^vmesa⁵ vnde H. von Hunzincon⁶ vnde Hug der Goltsmit vnde brůder Alb. der Huno vnde bruder Wal. vonme Holunesteine⁷ vnde bruder H. von Oburberc⁸ vnde bruder H. Jo^vhc vnde ander lute uil, die es sahun unde hortun^b), vnde dirre brief busigultur^c) mit vnsurm insigule. Dirre brief wart gegebun ze Magenowe an dem tusungostun jare vnde zvwie hundert jar vnde LXXX vnde ein jar nach unsurs herren geburte, an sante Thomas abunde, vnde sun su ein phunt wahses gebun von dem gute gen sante Gallen.

Source Fulltext: Chartularium Sangallense IV, Nr. 2065, S. 225.