Ich her Cv^onrates seligen frowe von Ramswach¹ kvnde allen, die disen breif ane sehent, daz Heinrich || der Mvgeler die scho^vpos, die er hatte in Gvndolthvsertal tal^a)2, dv sin friges eigen was, vnd^b) || dv selbe schv^opos in miner vogettegge ist, daz er die hat gheghen beidv dvrch got^c) vnd dvrch || chv^of an die phronde ze Elgowe, dv da hv^oret an vnser frowen³, mit allem dem retthe^a), als ein man sin friges eigen mag gheben oder verchv^ofen. Vnd dis beschach in meister Bertoldes hvs von Stetfurt⁴, da^d) ze ghegem^e) waz her Heinrich der lvpreister von Tv^ondorf⁵, meister Bertolt der elter amman vnd V^olrich Stofer. Vnd dar vmbe, daz dis steti si vnd ich nith eigenes ingesiges^a) han, so han ich mines herren se^f) theigans ingesigel von Wisendangen⁶ vnd mines wirtes seligen ingesigel gehenket an disen breif. Dis beschach nach vnser herren geburt M°. iar, II. hvndert iar, LXXX iar vnd in den^a) andern iare^g) an dem fritage nach^h) der ephiphanie^a).

Source Fulltext: Chartularium Sangallense IV, Nr. 2067, S. 227.