In^a) gottis namen amen. So sie kunt allen dien, die disen brief lesen alde horen lesen, daz herre Balbreht von Anwilllle¹ het ze ko^vfenne gegen dem spitale ze sant Gallen² vmbe aine vnde^b) driseg marche silbirs mit siz brůder gunst herrin || Egilolffis von Tivnrthon³ den Odinhof⁴ livte vnde gůt, der da waz dez vor genandin herrin Balbrehtis brůdir tohti||ron herrin Rv^odolffis saligen von Tivnrthon⁵. Vnde het der vor genande herre Balbreht gisworn ze den hailigon, daz er dem spitale livte vnde gůt ledich vnde lere machege, swenne der vor genandon tohtiron hern Rv^odolffis saligin von Tivnrthon div iungeste tohtir wirt vierzehin iâr âlt. Vnde son die tohtira alle varn ze mime herrin dim abte von sant Gallin vnde son îme abir vf gen livte vnde gůt mit allem rehte⁶. Vnde sol herre Balbreht Rv^odolffin ledigon, swa er in ze burgen gisezit het. Der vor genande herre Balbreht het o^vch gegen sehse gisel vivnwe gesworn, herrin Cv^onradtin^c) din Schenchen⁷, hern Livtoltin din Homin⁸, hern Livtoltin von Holinstein⁹, Baeldin Schoran¹⁰ vnde Hugin von Celle¹¹, vnde der sehste ist her Cv^onrad dir Homo¹², der het die gisilschaft gelobet mit siner tri^vwe. Vnde swenne der spital dise gisel manot vmbe die virrihtunge livte vnde gůtis, alse mit wortin an disem briewe beschaidin ist, so son siv sich alle antwrtin dir nah an dim ahtodin tage in rehtir gisilschaft, iro drie ze sant Gallin herre Cv^onrad dir Schenche, herre C.^d) dir Homo vnde Baeldi Schoran, vnde drie ze Bisschofcelle^e)13 herre Livtolt dir Homo vnde herre Livtolt von Holinstain vnde Hug von Celle, der selbe het o^vch daz gedingot, daz er ain andirn erbaerin man in sin hus lege in rehtir gisilschaft an sine stat. Vnde ist daz herre Balbreht stirbit, so sol sin brv^odir herre Egilolf^f) von Tivnrthon die gisil ledigon vnde dez spitaliz were sin livte vnde gůtis, dez het er gisworn ze dien hailigon. Vnde sol herre Balbreht dem spitale gen ainen brief der swesteron, bi dien siz brv^odir saligin tohtiron^g) ainiv ist, daz div selbe tohtir vnde die swestira livte vnde gůtis incigin hain¹⁴. Vnde der selbe brief sol besigelt sin ainwedir mit iro insigel alde mit miz herrin diz abtis insigel. Vnde so der spital der swesteron brief het vnde o^vch den brief vmbe die virrihtunge livte vnde gůtis gisigiltin mit dem insigil dez vor genandin hern Balbrehtis, so sol der spital gen cehin marche silbirs dem selbin hern Balbreht mit sis brv^odir rate hern Egilolffis von Tivnrthon vnde mit hern Hainrich rate von Lindinberc¹⁵ vnde mit hern Cv^onradtis rate diz Homin, vnde het der spital tag vmbe daz andir silbir vnze ze sant Gallin tult. Vnde swenne denne der tohtiron ainiv ze gaistlichim lebinne kumit alde ainem man wirt gegen, wil denne herre Balbreht dez silbirs êt, so sol er ez dem spitale vor hin sagen zwene manot vnde sol denne dem spitale gen vier gesworne gisel dar^h) vmbe, swenne div iungeste tohtir vierzehin iar ald wirt, dc denne die drie tohtiran livteⁱ⁾ vnde gůt vf geben mime herrin dim abte dar vmbe, dc er ez denne dem spitale lie. Vnde sol denne der spital hern Balbreht gen ailivf marche silbirs mit siz brudir rate hern Egilolffis von Tivnrthon vnde mit hern Hainriches rate von Lindinberc vnde hern Cv^onradis diz Homin. Vnde swenne denne abir ain tohtir ze gaistlichem lebenne kumit alde ainem man wirtt gegen, swenne denne herre Balbreht dc silbir vordirot, so sol er ez dem spitale vor hin sagen zwene manot, vnde sol abir den dem spitale vier gesworne gisel gen dar vmbe, swenne div ivngeste tohtir vierzehin iar alt wirt, dc sich denne die drie son incien livte vnde gůtes, alse mit wortin an disem briewe beschaidin ist^k). Vnde swaz hern Hainrichen von Lindinberc dunchit vnde her Cv^onradtin din Homin vnde Hainrichin din Blarrer notdurftich ze virrihtun vmbe livte vnde gůt, dez ist dir herre Balbreht^l) von Anwille gebundin vnde die gisel ze virrihtinne, vnde swenne dier tohtiron div iungest vierzehin iar ald wirt, dc denne die tohtira alle ze mime herrin dim abte ze sant Gallin koment vnde ime livte vnde gůt vf gebent. Dar nah son die gisel dem spitale gebundin sin vmbe virrihtunge, livton vnde gůtis nah rehte drie tage vnde sehs wi^vcha vnde en iar. Vnde alle die gelubde^m), die her Balbreht gelobet het, vnde die gisel vmbe virrihtunge livte vnde gůtis, die het inphangen ammis hern diz abtis stat Hannes dir Spiserⁿ⁾¹⁶ vnde herre V^oI. Lesti vnde an dez spitalis stat herre Hainrich dir Blarrer. Diser gisel wrdin vier gegen ze Bischofcelle, here Livtolt dir Homo, herre Livtolt von Holinstain, Baeldi Schoran vnde Hug von Celle, da waz zegegine der von Schoninberc¹⁷, herre Cv^onrad von Anwille¹⁸, herre Rv^odolf von Lindinberc¹⁹ vnde herre Hainrich von Bunishowen²⁰ dir phaphe vnde der Smit von Hvsen²¹, V^olrich Alwix dir Weser vnde Rv^o. von Schonno^vwe²², in dez huse geschach ez o^vch, V^oI. von Mvlinon²³, Volki der Nater, Wildrich dir tailer. Vnde zwene gisel wrdin ze sant Gallin gen, dir herre^o) Cv^onrad dir Schenche von Landegge vnde herre Cv^onr. dir Homo, da waz zegegine Hannes dir Spiser, Volki dir Nater, Wernher dir Hunt vnde her Hain, dir Blarrer^p) vnde andir livte genv^oge. Dise ko^vf beschach ze sant Gallin, in deme jare, do von gottis geburte waren tusint vnde zwei hundirt vnde ahzich iare, darnah imme vierdin jare. Wir abt Wilhelm von sant Gallin²⁴ durd^q) die bette des spitalis vnde hern^r) Balbrehtis von Anwille so henken wir vnse insigil an disen brief ze ainen^q) statin vrkunde allir der dinge, div an disem briewe gescriben sint.

Source Fulltext: Chartularium Sangallense IV, Nr. 2122*, S. 272-273.