In nomine domini amen. Universis Christi fidelibus presentem paginam inspecturis Lvdewicus comes de Hônberg¹ et Elisabetha uxor sua nata quondam || Rv^od. comitis de Raprechtswiler² noticiam subscriptorum. Contractus hominum scripturis utiliter insinuantur, ut dubietatis exclusa caligine materia litibus prelcludatur. Noverint igitur, quos nosse fuerit oportunum, quod nos predicti comes et uxor eius bona nostra in Togerrun³, agros, vineas, silvas, prata culta vel inculta, iullrisdictiones, que vulgo getwinc et ban appellantur, iure patronatus cum hominibus dumtaxat exceptis, legittimo venditionis titulo tradimus et donamus pro nonaginta marcis minus dimidia puri et legalis argenti ponderis^a) Basiliensis⁴ honorabilibus in Christo fratri Berchtoldo dicto Ritter conmendatori et fratribus domus hospitalis sancti Johannis Jherosolimitani in Klingenowe⁵, quam peccuniam recepimus integram, renunciantes exceptioni non numerate peccunie. Ego quoque Elisabetha, quia predicte possessiones ad me pertinebant ratione dotalicie seu donationis propter nuptias, que vulgo lipgedinge appellatur, hac recepta peccunia iuri meo specialiter renuncio iurans ad sancta dei evangelia, me numquam repetere vel repetentibus meo nomine consentire vel aliquid eorum facere, per que dictus contractus in parte vel in toto posset aliqualiter viciari. ||
Ego Hermannus et soror eiusdem, nati quondam Friderici comitis⁶ fratris Lvdewici comitis antescripti, huic alienationi facte per legittimum tutorem nostrum, patruum nostrum antedictum, consentimus eamque ratam habemus, promittentes nos corporali prestito iuramento non contra venire infringere vel aliquo casu in preiudicium eiusdem alienationis aliquid attemptare, sed eam integram et illibatam custodire sub debito prestiti iuramenti, maxime^b) cum habita ratione predictus patruus noster ad conservationem rerum nostrarum laboraverit et impesas^c) habuerit fidei sue contemplatione in pluribus, quam ei rependere valeamus. Et ad perfectionem huiusmodi contractus venerabilem patrem nostrum et dominum R. dei gratia Constantiensem episcopum⁷, quem curatorem accepimus et accipimus, rogamus et rogavimus, ut sue auctoritatis et voluntatis decretum interponat. Cum eiusdem quoque curatoris nostri auctoritate renunciamus omnis iuris^d) canonici et civilis vel non scripti suffragiis per modum exceptionis vel actionis, beneficio restitutionis in integrum, privilegio minorum et aliis omnibus rescriptis impetratis vel impetrandis, per que contra iuramentum prestitum de non infringendo contractu possemus prefate venditioni aliqualiter contraire. ||
Nos R. dei gratia Constantiensis episcopus curator electus prefatis puberibus ad prelibatam alienationem nostro consensu et consilio initam pensatis singulis diligenter circumstantiis nostre auctoritatis robur impertimur. In cuius rei evidentiam huic venditionis instrumento nostrum sigillum apponi fecimus et appendi. ||
Nos quoque antefatus comes Lvdewicus et uxor nostra de evictione promittimus secundum terre consuetudinem warandiam promittentes coram omni iudicio canonico et civili, renunciantes beneficiis legum et canonum, iuris scripti vel non scripti ac omnibus in genere beneficiis seu auxiliis, actionibus seu exceptionibus, per que vel ob que dicti . . fratres vel eorum domus vexari possent super dictis possessionibus vel aliqualiter inquietari. Et ad firmamentum memorati contractus hanc cartam sigillorum nostrorum munimine roboramus. Acta sunt hec apud novum castrum Raprechtswile⁸, anno domini M°.CC°.LXXXIIII°. proxima feria quarta post festum beati Martini, indict. XIII^a.^e) presentibus V^olrico nobili de Rvsegge⁹, Hermanno domicello de Hônberg¹⁰, V^olrico rectore ecclesie in Walde¹¹, Rv^odolfo de Turri¹², Alberto de Vrinkon¹³ militibus, Heinrico Marscalco¹⁴, V^olrico dicto Snezer et aliis quam pluribus fide dignis ad hec rogatis et vocatis.

Source Fulltext: Chartularium Sangallense IV, Nr. 2132, S. 281-282.