Universis Christi fidelibus presentem cedulam inspecturis Bur. prepositus totumque capitulum ecclesie Episcopalis Celle¹ noticiam subscriptorum. Universa || que geruntur in tempore, ne memorie decidant, litterarum solent apicibus conmendari. Noverint igitur omnes et singuli tenorem presentium in an||tea perlecturi vel etiam audituri^a), quod nos et capitulum ecclesie nostre prefate feodum in Divrren Mivli² situm cum omnibus suis pertinentiis || et iuribus tam infra septa quam extra septa, qui buscumque censeantur nominibus, libere vendidimus Eiglolfo^b) de Gumanswiller³ iusto et legali venditionis titulo pro I lib(ra) et V sol(idis) den(ariorum) monete usualis, omni iuri seu proprietati, quod vel que nobis in eodem feodo conpetebat, attestatione presentium viva voce renuntiantes, verborum et gestium^c) sollempnitate adhibita, que ad hoc requiri solet et conswevit. Feodum igitur prefatum cum omnibus et singulis suis pertinentiis, sicut dictum est, et iuribus de consensu capituli nostri prefato Eiglolfo necnon suis heredibus liberaliter contradimus in evum proprietatis titulo possidendum. In cuius rei testimonium et robur perpetuum ipsi necnon suis heredibus presens instrumentum dedimus sigillo nostri capituli robore communitum. Acta sunt hec anno domini M°.CC.LXXXV. idus ian., indict. XIII.

Source Fulltext: Chartularium Sangallense IV, Nr. 2134, S. 283.