Rv^odolfus dei gracia Constanciensis episcopus¹ omnibus presencium inspectoribus affectum karitatis. Ne contractus, qui ex bona fide oriuntur, per lapsum || temporis memoria hominum deficiente in aliquo valeant calumpniari, expedit ea, que aguntur, apieibus publicis ad noticiam perducere posterorum. Noverint igi||tur, quos nosse fuerit oportunum, quod predilecta in Christo Elisabeth uxor domini Lv^odowici^a) comitis de Honberg² auctorante et consenciente dicto L. curillam suam in Herminkon³, quam colunt Rv^odolfus dictus Wirt et Cv^onradus dictus Buman, reddentem annis singulis X^b) modios tritici et duo maltera avene et tres porcos, quorum quilibet reddere debet X solidos, honorandis in Christo Rv^odolfo magistro et gubernatori ac conventui domus Jerosolimitane dicte in dem Gevenne ordinis sancti Lasari⁴ predicte diocesis cum omni iure suo seu pertinenciis, videlicet banno, districtu, agressibus et egressibus, aquis aqueve ductibus ac aliis servitutibus cum hiis, que habent supra, infra vel intra se, iure proprietatis perpetuo possidendam vendidit ac tradidit sponte et libere pro XXXVI marcis argenti ponderis Thuricensis, quas se recepisse et in usus suos convertisse presentibus recongnoscit, ac eisdem licenciam dat ingrediendi et apprehendendi corporalem possessionem bonorum et iurium predictorum. Preterea prefata Elisabeth auctorante viro suo predicto dicto magistro et conventui suo stipulanti^c) promisit pro se et heredibus suis warandiam de bonis antedictis suis expensis in omni loco et iudicio quocumque videlicet ecclesiastico vel seculari. Debet autem iuxta condicionem prehabitam in ipso contractu memoratus contractus evanescere et rescindi, si predicta Elisabeth vel sui heredes prefatam curiam seu iura ad ipsam pertinencia pro precii quantitate predicti reemerint usque ad nativitatem domini proximam et deinde ad annum proximum, alioquin dictus contractus extunc absque recisione aliqua robur perpetuum obtinebit. Ceterum predicto contractu per lapsum dicti temporis confirmato prefata Eli. vel sui heredes nullo ingenio seu facto per se vel alios actione, excepcione, iure aliquo publico vel privato, consuetudine, rescripto, privilegio obtentis vel obtinendis venire debent contra contractum predictum nec ipsum aliqualiter inpugnare. Porro si bona vel iura prefata a predictis magistro, conventu vel eorum successoribus per quemeumque fuerint evieta, ipsa Elisabeth eiusque heredes vice rerum evietarum et interesse ad solucionem quadraginta^d) marcarum argenti ponderis predicti, quas de ipsa magister et conventus sunt stipulati, erunt modis omnibus obligati. In quorum omnium evidenciam et robur presens carta sigillis nostro et domus predicte necnon Lv^odowici et Elisabeth predicte patenter roboratur. Acta sunt hec apud Grifinse⁵, anno domini M°.C°C°LXXXVI°. in festo sancti Luce, indictione XV^a, presentibus Rv^odolfo nobili de Bechburg milite⁶, fratre R. dicto Gv^otiar sacerdote canonico in Rvti⁷, H. de Ebnodi⁸ ministro in Grifinse, . . Marscalko de Raprehtswile⁹ et aliis viris ydoneis et fidedignis. Nos Rv^odolfus magister et conventus in dem Gevenne predicta omnia et singula esse vera recongnoscimus^e) et fatemur et hanc paginam sigillo predicti domini nostri episcopi petivimus et obtinuimus roborari et in predictorum omnium testimonium sigillum nostrum apponi feeimus et appendi. Nos Lv^odowicus et Elisabeth suprascripti in recongnicionem prescriptorum omnium sigillis prefati domini nostri episcopi Constanciensis et nostris hanc paginam iussimus communiri.

Source Fulltext: Chartularium Sangallense IV, Nr. 2168, S. 306-308.