Universis Christi fidelibus presencium inspectoribus Cůnr. miles dictus de Schalkon¹ noticiam rei geste. Memoria hominum labilis vitaque brevis ammonent ea, que geruntur in tempore, ne per oblivionem a memoria decidant, scripti testimonio perhennare. Noverit igitur universitas vestra, quod Dietricus dictus de Wangen² filius magistri Heinrici quondam de Wangen omne ius, quod hactenus habuit in quibusdam bonis sitis in Hirsindowe³ videlicet in bonis seu pratis Burkardi quondam de Gesesse⁴, Heinr. dicti Gudels et V^olr. fratris sui filiorum Eberh. quondam de Vspe⁵ et in pratis dictorum Elsessers et Banwartes et in omnibus aliis bonis seu pratis predicti Dietrici sitis ibidem, que in feodum ab illustri domino Fridrico comiti^a) de Toggenburg⁶ habuit, coram me resignans cenobio sancte Marie in Ruti⁷ ordinis Premonstratensis sponte libere ac pacifice pro se suisque heredibus contulit et donavit, renuncians bona fide omni iuri, quod sibi in eisdem bonis hactenus modo aliquo competebat seu competere videbatur. In cuius rei evidenciam presens scriptum sigilli mei munimine roboravi. Actum et datum in Castro in Windegga⁸, anno domini M°CC°LXXXVIII°, III° non. may, presentibus hiis: Johanne abbate Rutinensi⁹, fratre Diethelmi^a) nobili^b) de Regensperg^c)10, V^olr. dicto Langenakker, Symon de Lindon¹¹, Walther de Brunnon^d).

Source Fulltext: Chartularium Sangallense IV, Nr. 2197, S. 326.