Allen den, die disen gegenwrtigen brief ansehent oder horint lesen, kvnde ich graue Friderich von Toggenburch¹, || das her Cv^onrat von Glotun² ain ritter sine hůbe ze Niderun Bůwille³, die er von mir ze lehen hette, gap ze ko^vfen reht || vnd^a) redelichen brůder Burchart dem maister des spitales vnd der durftigon ze Kostenze vnd anderen iro pflegern || hern Jacobe von Roggewille⁴, hern Hainr. dem vrien Stazzener, her Cv^onrat Ramunge vnd her Cv^onrat dem slehtin Jo^eheler vm vivnfzehen marche silbers Kostenzer glo^etis, vnd kam das silber in vnsern nuzze vnd wrden sin o^vch gewert. Vnd gap mir der vorgenant von Glotun die lehenschaft des selben gůtes, alse er si von mir hette, vrilichen vf an mine hant. Vnd gap ich der vorgenant graue Friderich die aigenschaft der selbun hv^obe den vorgenantin pflegern an des spitales vnd der durftigon stat ledechlich vernamens ze aigen, alse ich si hâte i^b) mine(r)^c) gewalt vnd in miner aigelicher gewer, vnd verzehe mich dar an fur mich vnd fur alle mine erben alles mines rehten vnd gap in die gewer mit allem rehte. Vnd das o^vch dis sta^ete belibe von mir vnd von allen minen nahchomen, da von so hieze ich dem vorgenantin spitale, den pflegern vnd den durftigon disen brief schriben vnd henke dar an ze ainer vestenunge vnd ainer ganzer warhait min ingesigel. Dis geschach vnd wart dierre brief gegeben ze Kostenze an dem dunrstage in der pfinchst wochun, in dem jâre, do man von gottes geburte zalte zwelf hundert jâre vnd a^ehtiv vnd ahtzich jâre, in der erstun indicivne. Des ist gezivge, die es sahen vnd horton, her Willehalm vnd her Friderich gebrůder im Turne⁵, her Bertolt von Hugolzhoven⁶, her V^olrich von Haidelberch⁷, her Rv^odolf von Rinegge⁸, her Cv^onrat von Hermenstorf⁹ ritter, Rv^odolfe von Sulzberch¹⁰ mines herren bischofes Rv^odolfes¹¹ schůler, her Walther von Houe¹², her Huc in der Bivnde, her Hainr. in der Bivnde, Hans der Jo^eheler Swa^ertli, Walther von Honberch, Willehalm von Vberlingin¹³ vnd ander biderbe livte gnůge.

Source Fulltext: Chartularium Sangallense IV, Nr. 2198, S. 326-327.