Wir Elysabet greuin von Honberch vnd frowe ze Raprechsuil¹ vnd || ich Herman graf von Honberch² kunden allen, die disen brief sehent || ald ho^erent lesen, dc wir dem edelen hern W^olrich von Rusegge³ han || gegeben ein ros, dc vnser lieber wirt vnd min feter grauen^a) Hermans von Honberch graf Ludewich selig von Honberch hate versezet . . dem von Rinuelden⁴ einem burger von Berne⁵, vnd dv^egen dc kunt fv^er vnsich vnd vnser erben, suwen er der for genande burger im dem for genanden hern W^olrich von Rusegge de ros git ze lo^esenne, dc er vnd sin erben von vns vnd von vnseren erben ganzelich an alle ansprahe lidich ist. Dar nach so veriechen wir im dem forgenanden burger, suwas wir im ander gulte sulen gelten dur recht, dc wir im von dem vorgenanden rosse dest minre nicht sin gebunden. Vnd dur dc, dc er dest sicher si, so geben wir im disen^b) brief besigelt mit mime grafen Hermans ingesigel, des o^vch mich Elysabeten die vorgenanden greuin von Honberch, wan wir nicht^c) eigens ingesigels hanben^d)6, an dirre sache begenv^eget. Dis^e) geschach ze Baden⁷, do von gotes geburt waren zewelf hundert jar, in dem nuen vnd achzegoste[n jar]^f), an sant Pangratien tage.

Source Fulltext: Chartularium Sangallense IV, Nr. 2214, S. 339.