In nomine domini amen. Omnibus et singulis presentium inspectoribus presentibus et futuris Cv^onradus dei gratia abbas¹ totusque conventus monasterii sancti Galli ordinis sancti Benedicti Const(antiensis) dyocesis salutem || et noticiam subscriptorum. Ne legittimi contractus propter humane memorie lubricum in dubium revocentur, expedit, ut scripturarum indiciis muniantur. Eapropter ad noticiam singulorum, || quos nosse fuerit oportunum, cupimus presentibus pervenire, quod cum venerabiles in Christo . . abbatissa et conventus monasterii in Magginowe² ordinis Cisterciensis Const(antiensis) dyocesis sana et matura delibera||tione prehabita pro bono statu et comodo sui monasterii antedicti curiam dictam in Husen³ sitam inter oppidum Episcopaliscelle⁴ et villam in Bvrron⁵ cum omnibus suis pertinentiis necnon census provenientes de curia, que vulgo dicitur kelnhof, sita iuxta ecclesiam in Eilgowe⁶, quas curias a nobis sub annuo censu possidebant, domine Gerdrudi relicte quondam Rv^o. dicti Giel militis de Glatteburg⁷, accedente consensu V^olrici Gielonis militis filii sui⁸ necnon Rv^o. et V^oI. nepotum suorum⁹, pro omnibus possessionibus sive bonis sitis in Bv^obintal¹⁰ cum universis suis pertinentiis, quas possessiones sive bona dicta Gerdrudis a nostro monasterio in feodum habuit et possedit, iusto permutacionis titulo donaverint ac permutarint ipsarumque possessionum sive bonorum in Bv^obintal possessionem apprehenderint corporalem, dicta Gerdrudi in possessionem corporalem predicte curie in Husen ac censuum de curia cellarii in Eilgowe proveniencium similiter introducta, predicte . . abbatissa et conventus monasterii in Magginowe et Gerdrudis prefata a nobis cum instancia postularunt, ut dicte permutacioni tamquam pro bono et comodo utrusque^a) partis rite et legittime celebrate consensum nostrum plenum et expressum adhibere vellemus. Nos itaque predictarum . . abbatisse et conventus necnon Gerdrudis prefate postulacionibus annuentes dictam permutacionem per ipsas initam et contractam ratam et gratam habentes eidem permutacioni nostrum consensum plenum et expressum scriptis presentibus adhibemus, necnon nos Cv^onradus abbas predictus recepta ad manus nostras ab utraque partium resignatione de possessionibus permutatis, ut superius est expressum, memoratis . . abbatisse et conventui monasterii in Magginowe possessiones sive bona, quas et que memorata Gerdrudis in feodum tenuit, nomine nostro nostrique conventus sub annuo censu concessimus, ita videlicet, ut de ipsis possessionibus in Bv^obintal suo monasterio contiguis et vicinis singulis annis in festo beati Galli libram unam et fertonem cere pro censu custodi nostro persolvant, necnon curiam dictam in Husen et census provenientes de curia prefata in Eilgowe memorate Gerdrudi^b) in feodum concessimus, utraque concessione per nos facta cum omni sollemnitate verborum et gestuum debita et consueta. Testes quoque, qui supradicte permutacionis contractui interfuerunt, subscribi voluimus ad cautelam, et sunt hii: Johannes de Shoniberg¹¹, Dietegin de Haidilberg¹², Burchardus de Ainwile¹³, Hermannus de Landinberg¹⁴, Hainricus Leo de Zuchinriet¹⁵ milites, Lvtoldus de Holinstain¹⁶ et Beringerus de Landinberg¹⁷ necnon plures alii fidedigni. Et ut omnia et singula supradicta robur firmitatis debite sortiantur, presentibus in testimonium sigilla^c) nostra duximus appendenda. Datum apud sanctum Gallum, anno domini M°CC°LXXXX°, II° kal. aprilis, indic. III^a.||
Nos abbatissa et conventus monasterii in Magginowe supradicti omnia et singula superius prenotata vera esse et ex voluntate nostra processisse recongnoscimus et presentibus profitemur et in evidentiam omnium predictorum sigillum mei . . abbatisse, quo nos et conventus utimur, cum proprio careamus, presentibus duximus appendendum. Nos quoque V^olricus dictus Giel supradicte Gerdrudis filius, V^olricus et Rv^o. dicti Giel nepotes Gerdrudis prelibate omnibus et singulis supradictis nostrum consensum adhibemus liberum et expressum et in evidenciam omnium premissorum presentibus sigilla nostra duximus appendenda.

Source Fulltext: Chartularium Sangallense IV, Nr. 2235, S. 353-355.