Chůnr. dei gratia monasterii sancti Galli abbas¹ omnibus presentium inspectoribus subscriptorum noticiam || cum salute. Accedit ad gratiam et continet equitatem, ut benemeritis pro impensis obsequiis antidota condo||nentur. Hinc est, quod ad universitatis vestre noticiam volumus pervenire, quod nos viri strennui domini V^olrici Gielonis^a) || militis² gratuita obsequia nobis nostroque monasterio impensa fideliter ac impendenda memorie commendantes, eidem ex bonis curie nostre site in Gossowe³ pertinentibus ob causam iam dictam sex libras usualis monete solvendas constituimus et ordinamus, dictam curiam seu bona eiusdem eidem militi pro obsequiis nobis nostroque monasterio impensis ac impendendis pro triginta marcis argenti presentibus obligando, eademque bona dicte curie iam dicto militi tamdiu manere volumus obligata fore, quousque eidem vel suis successoribus legittimis per nos vel nostros successores de iam dictis triginta marcis eidem ob causam predictam per nos debitis integraliter fuerit satisfactum, fructibus seu hiis sex libris percipiendis annuo in sortem minime computandis, transferentes ac inducentes eundem et suos heredes in predictorum possessionem corporalem bonorum presentium per tenorem. Et ne predicta improbitate aliqua valeant infirmari, sigillum nostrum duximus in premissorum evidentiam resentibus appendendum. Datum apud sanctum Gallum, anno domini M°.CC°.LXXXX°. IIII. ydus aprilis, indict. III^a. Presentibus hiis: dominis V^oirico rectore ecclesie in Jonswile⁴, V^olrico et Hainrico filio eiusdem V^olrici dictis de Ramswagh⁵ militibus, magistris C. et Burch. nostris notariis, R. et V^olr. dictis Giel⁶ et aliis quampluribus fidedignis.

Source Fulltext: Chartularium Sangallense IV, Nr. 2236, S. 355.